ბელარუსი ოპოზიციონერები ვიქტორ ბაბარიკო და მარია კოლესნიკოვა  დღეს შეწყალებულ  112 პოლიტპატიმართან ერთად უკრაინაში გადაიყვანეს.

მათ პირადად უკრაინის სამხედრო დაზვერვის უფროსი კირილ ბუდანოვი დახვდა. დანარჩენი 9 პოლიტპატიმარი, ნობელის პრემიის ლაურეატ ალეს ბელიაცკის ჩათვლით ლიეტუვაშია დეპორტირებული.

სულ ბელარუსმა უკრაინას 114 მშვიდობიანი მოქალაქე გადასცა, მათ შორის ხუთი უკრაინის მოქალაქე, რომელთა შესახებაც ადრე იყო ინფორმაცია.

„ბელორუსის მხარესთან წინასწარი შეთანხმებებისა და პროდუქტიული მოლაპარაკებების შედეგად, ჩვენი ამერიკელი პარტნიორების თხოვნითა და დახმარებით, ასევე სამხედრო ტყვეებთან მოპყრობის საკოორდინაციო შტაბის მუშაობის შედეგად, უკრაინაში გადაიყვანეს 114 მშვიდობიანი მოქალაქე, მათ შორის უკრაინელები, რომლებიც ბელარუსის რესპუბლიკაში იმყოფებოდნენ“, - ნათქვამია განცხადებაში.

ამჟამად უკრაინაში მყოფ ბელარუსი ოპოზიციის წარმომადგენლებს შორის არიან ვიქტორ ბაბარიკა, რომელსაც საპრეზიდენტო არჩევნებში მონაწილეობა აუკრძალეს, და მისი მოკავშირე მარია კოლესნიკოვა, ასევე TUT.by პორტალის მთავარი რედაქტორი მარინა ზოლოტოვა და მარია ალექსანდროვა.

როგორც ფოტოებიდან ჩანს, მათ საზღვარზე პირადად შეხვდა მთავარი სადაზვერვო სამმართველოს უფროსი კირილ ბუდანოვი.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს