AP-ის ცნობით, აშშ-ის პრეზიდენტმა დონალდ ტრამპმა ოვალურ კაბინეტში ჟურნალისტების კითხვებს უპასუხა იმის შესახებ, თუ როგორ წარიმართა პუტინისა და ვიტკოფის მოლაპარაკებები კრემლში.

მან თქვა, რომ მათ „საკმაოდ კარგი შეხვედრა“ ჰქონდათ, თუმცა ვერ იტყვის, „რა გამოვა აქედან“, რადგან არ იცის, „რას აკეთებს კრემლი“.

მან დასძინა, რომ უკრაინისთვის მშვიდობის პირობები ახლა უარესია, ვიდრე მიმდინარე წლის თებერვალში იყო, როდესაც ტრამპმა ზელენსკისთან შეხვედრის დროს კიევის „კოზირების“ ნაკლებობაზე ისაუბრა.

ტრამპმა ასევე თქვა, რომ ვიტკოფს და კუშნერს შთაბეჭდილება ჰქონდათ, რომ პუტინს „ომის დასრულება სურს“ და „მოლაპარაკება სურს“.

რეპორტიორებისადმი ორწუთიან პასუხში ტრამპმა სამჯერ ახსენა, რომ ბაიდენის ნაცვლად პრეზიდენტი რომ ყოფილიყო, ომი არ მოხდებოდა და უკრაინას „მთელი თავისი ტერიტორია“ ექნებოდა.

AP განმარტავს, რომ ვიტკოფი და კუშნერი დღეს მაიამიში უკრაინელ მომლაპარაკებელ რუსტემ უმეროვს შეხვდებიან.

2 დეკემბრის საღამოს კრემლში აშშ-ის სპეციალურ წარმომადგენელ სტივ ვიტკოფსა და ვლადიმერ პუტინს შორის მოლაპარაკებები გაიმართა. არცერთ მხარეს არ გაუვრცელებია დეტალები შეხვედრის შედეგების შესახებ.

შეხვედრის დასრულებისთანავე, RDIF-ის აღმასრულებელმა დირექტორმა კირილ დმიტრიევმა შეხვედრა „პროდუქტიულად“ შეაფასა. მეორე დღეს პესკოვმა განაცხადა, რომ განცხადება, რომ პუტინმა „უარყო ტრამპის სამშვიდობო გეგმა“, არასწორი იყო.

ავტორი: ექსპრესნიუსი,

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება