ფლორიდაში გამართულ მოლაპარაკებებზე ამერიკისა და უკრაინის დელეგაციების ხელმძღვანელებმა ჟურნალისტებთან განცხადებები გააკეთეს ომის დასრულების გეგმის განხილვის შემდეგ, რომელიც შეერთებული შტატების მიერ იყო წარმოდგენილი და ჟენევის შეხვედრების შემდეგ შესწორებული. მათ არცერთ კითხვას არ უპასუხეს.

„ჩვენ გვქონდა კიდევ ერთი ძალიან პროდუქტიული სესია, რომელიც ჟენევაში მიღწეულ შედეგებსა და ამ კვირის მოვლენებზე დაყრდნობით განვაგრძეთ“, - განაცხადა აშშ-ის სახელმწიფო მდივანმა მარკო რუბიომ. „მაგრამ სამუშაო ჯერ კიდევ არის“.

„არსებობს მრავალი კომპონენტი და, რა თქმა უნდა, არის კიდევ ერთი მხარე, რომელიც განტოლების ნაწილი უნდა იყოს. ყველაფერი გაგრძელდება ამ კვირის ბოლოს, როდესაც ბატონი ვიტკოფი მოსკოვში გაემგზავრება, თუმცა ჩვენ ასევე გვქონდა კონტაქტი რუსულ მხარესთან და საკმაოდ კარგად გვესმის მათი შეხედულებები“, - თქვა რუბიომ.

მომავალ კვირას, აშშ-ის პრეზიდენტის დონალდ ტრამპის სპეციალური წარმომადგენელი სტივენ ვიტკოფი და ტრამპის სიძე ჯარედ კუშნერი მოსკოვში გამგზავრებას გეგმავენ სამშვიდობო გეგმის განსახილველად.

თავის მხრივ, უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა, რომელიც უკრაინის დელეგაციას ხელმძღვანელობს, ფლორიდაში გამართულ მოლაპარაკებებს „პროდუქტიული და წარმატებული“ უწოდა.

„ჩვენი მიზანია აყვავებული, ძლიერი უკრაინა. ჩვენ განვიხილეთ ყველა საკითხი, რომელიც უკრაინისთვის მნიშვნელოვანია. აშშ-მ დიდი მხარდაჭერა გამოგვიცხადა“, - თქვა მან.

AFP-ის ცნობით, ფლორიდაში გამართული მოლაპარაკებები „რთული“ იყო, ხოლო CNN-ის წყარომ ისინი „რთულ, მაგრამ ძალიან კონსტრუქციულ“ უწოდა.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის