თბილისის საქალაქო სასამართლოს მოსამართლე დავით კურტანიძემ სფერო ჰოლდინგის დამფუძნებელს გივი წულეისკირს და სფერო ინვესტის დირექტორს, გიორგი მურუსიძეს აღკვეთის ღონისძიების სახით, პატიმრობა შეუფარდა.

პროკურორის თქმით, არსებობს გივი წულეისკირის მიმალვის საფრთხე, გარდა ამისა, ვინაიდან გამოძიება გრძელდება, შეიძლება წულეისკირმა მოწმეებზე მოახდინოს ზემოქმედება. 

დაცვის მხარე წულეისკირის 50 000-ლარიანი, მურუსიძის კი 100 000-ლარიანი გირაოს სანაცვლოდ გათავისუფლებას ითხოვდა. 

მოსამართლემ ბრალდების მხარის შუამდგომლობა დააკმაყოფილა. 

მოქალაქეთა კუთვნილი დიდი ოდენობით თანხების სამსახურებრივი მდგომარეობის გამოყენებით წინასწარი შეთანხმებით ჯგუფის მიერ მოტყუებით დაუფლების ბრალდებით სფერო ჰოლდინგის დამფუძნებელი გივი წულეისკირი 10 ნოემბერს დააკავეს. ასევე, სისხლის სამართლებრივი დევნა დაიწყო სფერო ინვესტის დირექტორის, გიორგი მურუსიძის მიმართ. პროკურატურის ცნობით, "ბრალდებულთა ქმედებების შედეგად მოქალაქეთათვის მიყენებული ზიანი 12 მილიონ ლარს აღწევს".

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს