სიღნაღის მუნიციპალიტეტში, თურქული სამხედრო თვითმფრინავის ჩამოვარდნის ადგილზე კიდევ ერთი ადამიანის ცხედარი იპოვეს — ინფორმაციას „ფორმულას“ საგანგებო სიტუაციების მართვის სამსახურში უდასტურებენ.

მაშველების ინფორმაციით, ამ დროისთვის შემთხვევის ადგილზე სულ 19 დაღუპულია, ხოლო ერთი ადამიანი კვლავ დაკარგულად ითვლება. სამძებრო სამუშაოები უწყვეტ რეჟიმში მიმდინარეობს.

შეგახსენებთ, რომ ავიაკატასტროფა 11 ნოემბერს მოხდა - თურქული სამხედრო თვითმფრინავი საქართველოს სახელმწიფო საზღვრიდან დაახლოებით 5 კილომეტრში ჩამოვარდა. წინასწარი ცნობით, თვითმფრინავი აზერბაიჯანიდან თურქეთის მიმართულებით მიფრინავდა. შემთხვევის გამო შინაგან საქმეთა სამინისტრომ გამოძიება სისხლის სამართლის კოდექსის 275-ე მუხლის მე-4 ნაწილის საფუძველზე დაიწყო, რომელიც საჰაერო ტრანსპორტის მოძრაობის ან ექსპლუატაციის წესის დარღვევას გულისხმობს, შედეგად — ადამიანის სიცოცხლის მოსპობით.

ავტორი: ექსპრესნიუსი,

სოციალური ქსელები

მიხეილ ყაველაშვილი საქართველოში ჩინეთის ელჩს შეხვდა

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა