„როიტერს“ სიტუაციის მცოდნე წყარომ განუცხადა, რომ შეერთებული შტატები სრულად უჭერს მხარს ევროკავშირის ინიციატივას, გამოიყენოს გაყინული რუსული აქტივები უკრაინის დასახმარებლად და მოსკოვზე ზეწოლის განსახორციელებლად.

ვაშინგტონი ასევე აგრძელებს აშშ-ის პრეზიდენტ დონალდ ტრამპის მიერ „როსნეფტისა“ და „ლუკოილის“ წინააღმდეგ სანქციების გავლენის ანალიზს. „ჯერ კიდევ არსებობს ზომები, რომელთა მიღებაც შეგვიძლია ზეწოლის გასაძლიერებლად“, - ხაზგასმით აღნიშნა წყარომ.

რუსეთის მიერ უკრაინაში სრულმასშტაბიანი შეჭრის შემდეგ, დასავლეთის ქვეყნებმა გაყინეს რუსეთის ცენტრალური ბანკის 200 მილიარდ ევროზე მეტი აქტივი, რომელთაგან დაახლოებით 190 მილიარდი ევრო ბელგიაში, Euroclear-ის დეპოზიტარშია დაცული. უკრაინა უკვე იღებს პროცენტს ამ თანხებზე.

ევროკომისიამ შეიმუშავა გეგმა, რომელიც ევროკავშირის მთავრობებს საშუალებას მისცემს გამოიყენონ რუსეთის გაყინული სახელმწიფო აქტივების უმეტესი ნაწილი კონფისკაციის გარეშე. გეგმა ითვალისწინებს უკრაინისთვის დაახლოებით 140 მილიარდი ევროს ოდენობის ე.წ. „რეპარაციის სესხის“ გამოყოფას, რომელიც უზრუნველყოფილი იქნება რუსეთის ცენტრალური ბანკის აქტივებით. მიღებული თანხები უნდა იქნას გამოყენებული უკრაინის შეიარაღებული ძალების დასაფინანსებლად. სესხი ომის დასრულების შემდეგ უნდა დაფაროთ.

ბელგიამ, სადაც აქტივების ძირითადი ნაწილია განთავსებული, არაერთხელ გამოთქვა შეშფოთება იმის შესახებ, რომ ამ ფონდების გაფართოებულმა გამოყენებამ შეიძლება გამოიწვიოს სასამართლო პროცესები, შექმნას ფინანსური ვალდებულებები ევროპის მთავრობებისთვის, შეასუსტოს ევრო და შეარყიოს ნდობა ევროკავშირის ფინანსური სექტორის მიმართ.

20 ოქტომბერს, Bloomberg-მა გაავრცელა ინფორმაცია, რომ ვაშინგტონმა უარი თქვა მონაწილეობაზე ევროპულ გეგმაში, რომელიც გაყინული რუსული აქტივების გამოყენებას აფართოებდა, გლობალური ფინანსური ბაზრების სტაბილურობისთვის რისკების მოტივით. მალევე გამოცხადდა, რომ ევროკავშირმა საბოლოო გადაწყვეტილების მიღება დეკემბრამდე გადადო.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times