ვაკის გამგებელი ნოდარ ტურძელაძე დღეს ბაგების I კორპუსთან იმყოფებოდა. გამგეობის თანადაფინანსებული პროექტების ფარგლებში ცხრასართულიან კორპუსს რამდენიმე ტიპის სამუშაო ჩაუტარდა.

როგორც „ექსპრესნიუსს“ თბილისის მერიიდან აცნობეს, გამოიცვალა და შეკეთდა დაზიანებული სახურავი.

მათივე ინფორმაციით, ასევე, ამოივსო კორპუსის კედლების ნაპრალები. მოსახლეობის თქმით, კედლებში არსებული ნაპრალების გამო საცხოვრებელ ბინებში მუდმივად სინესტე იყო. ამჟამად კორპუსის სამივე სადარბაზოში ლიფტების  სარემონტო სამუშაოები იწყება.

„ამხანაგობების განვითარების ხელშეწყობის პროგრამა მართლაც იძლება შესაძლებლობას რეალურად გაუუმჯობესდეს მოსახლეობას  საცხოვრებელი პირობები. ამ კორპუსის სახურავი მთლიანად გამოვცვალეთ, რადგან წვიმის დროს წყალი ჩადიოდა ბინებში, ახლა უკვე ლიფტების, რომლებიც საკმაოდ მოძველებული იყო, კაპიტალური შეკეთება იწყება,“ -აცხადებს ნოდარ ტურძელაძე.

ამ დროისთვის, ვაკის რაიონში, ამხანაგობების განვითარების ხელშეწყობის პროგრამის ფარგლებში, სამუშაოები 130  მისამართზე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო