საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“  საზოგადოებრივ ცენტრებში ახალგაზრდულ პროექტებს განაგრძობს.

ნუკრიანში პროექტ - „წიგნის კლუბის“ ფარგლებში, მწერალ ალექსანდრე ლორთქიფანიძესთან შეხვედრა გაიმართა.

შეხვედრას ადგილობრივი საჯარო სკოლის მოსწავლეები, პედაგოგები და მშობლები დაესწრნენ.  ახალგაზრდებმა იმსჯელეს როგორც თანამედროვე, ისე კლასიკოსი ავტორებისა და მათი შემოქმედების შესახებ; ისაუბრეს პიროვნულ და კარიერულ განვითარებაში წიგნიერების მნიშვნელობასა და როლზე. შეხვედრას ნუკრიანში გამართული ლიტერატურული კონკურსის - „წიგნის თაროს“ გამარჯვებული გუნდის წევრებიც დაესწრნენ, რომლებმაც სტუმარს საინტერესო და აქტუალური კითხვები დაუსვეს.

როგორც ცნობილია, „წიგნების თარო“ საზოგადოებრივი მაუწყებლის ერთ-ერთი შემეცნებით-გასართობი გადაცემაა, რომლის წამყვანი ალექსანდრე ლორთქიფანიძეა. ამ ტელეთამაშის ანალოგიური ტურები ნუკრიანში ხშირად იმართება. მისი თემატიკა მხატვრული ლიტერატურაა და შესაბამისად, გამარჯვებისთვის მთავარი წიგნიერებაა. ყველაზე აზარტულ ლიტერატურულ თამაშში მონაწილეები ერთმანეთს მსოფლიო ავტორების წიგნების გამოცნობაში ეჯიბრებიან.

სსიპ „დანაშაულის პრევენციის ცენტრის“ ერთ-ერთი მნიშვნელოვანი მიმართულებაა ახალგაზრდებში სამართლებრივი, სამოქალაქო და შემეცნებითი ცნობიერების ამაღლება, მოხალისეობრივი კულტურის განვითარების ხელშეწყობა.  ამ მიზნით სხვადასხვა საზოგადოებრივ ცენტრში პროექტები მიმდინარეობს. საზოგადოებრივი ცენტრების განვითარება კი საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა. საზოგადოებრივი ცენტრების მიზანია მოსახლეობისათვის საჭირო სერვისებზე ხელმისაწვდომობის გაზრდა და სოფლის განვითარებისათვის შესაბამისი გარემოს შექმნა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო