თბილისის 157-ე საჯარო სკოლასთან მშობლები ჩავარდნილ სასწავლო პროცესს აპროტესტებენ.. დაუსრულებელი რეაბილიტაციისა და მშენებლობების გამო, ათასობით მოსწავლისთვის პირველი ზარი მშობლიურ სკოლაში არ დაირეკა და ბავშვებს სწავლის გაგრძელება სხვა სკოლებში უწევდათ.

სკოლასთან შეკრებილი მასწავლებლები და მშობლები ამბობენ, რომ შენობაში წლებია რემონტი მიმდინარეობს, მაგრამ ვერ სრულდება. მათი თქმით, ერთ კომპანიას მეორე ცვლის, თუმცა შედეგი კვლავ არ დგება. მშობლები კომერციულ ინტერესებზეც საიბრობენ და აცხადებენ, რომ სკოლას დანგრევა არ სჭირდება.

„ეს სკოლა დასანგრევი არ არის, რა თქმა უნდა, ყველაფრის მიზეზი კომერციული ინტერესებია. ყველამ ვიცით, რომ წლების განმავლობაში მიზანმიმართულად ხდებოდა მშობლებზე მუშაობა. ეს არის უზარმაზარი ტერიტორია და კომპლექსის აშენება იგეგმება“, - განაცხადა ერთ-ერთმა მშობელმა.

მშობლების თქმით, შენობა უფუნქციოდ დგას და ხელისუფლების დაპირებები წელიწადის დროებივით იცვლება. 

მშობლები ყურადღებას სკოლებში უფასო კვების არარსებობაზეც ამახვილებენ, რაც, მათი აზრით, ქვეყნისთვის დიდ გამოწვევად რჩება. ისინი აცხადებენ, რომ უფასო კვება განსაკუთრებით მნიშვნელოვანია იმ ფონზე, როდესაც მოსწავლეებს სხვადასხვა ცვლაში უწევთ სწავლა.

„ჩემს შვილს, იმის გამო, რომ მეორე სმენაში სწავლობს, წესიერად სადილს ვერ ღებულობს, ყოველ გაზაფხულზე კუჭ-ნაწლავის პრობლემა ექმნება. 6 წელია, ბავშვს დღის სმენა არ ღირსებია, ღამის სკოლაში არასრულფასოვანი კვება, განათლება...“ - აცხადებს ერთ-ერთი მშობელი.

პროტესტი 157-ე სკოლასთან გრძელდებოდა. უკვე 2 წელია, რაც პედაგოგები და მშობლები სკოლის რეაბილიტაციას ითხოვენ, რათა მოსწავლეებმა საკუთარ შენობაში შეძლონ სწავლა, თუმცა უშედეგოდ.

ავტორი: ექსპრესნიუსი,

სოციალური ქსელები

ტრამპმა კვლავ გამოთქვა სურვილი შტატ ნიუ-მექსიკოს „ახალი ამერიკა“ დაარქვას

კრემლმა ჩინეთისთვის გაზის ფასდაკლება 56%-მდე გაზარდა

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ