ჩინეთის საგარეო საქმეთა სამინისტროს ცნობით, გამარჯვების აღლუმზე, რომელიც პეკინში 3 სექტემბერს გაიმართება, 26 სახელმწიფოს და მთავრობის მეთაური დაესწრება. მათ შორის არიან: რუსეთის პრეზიდენტი ვლადიმერ პუტინი, აზერბაიჯანის პრეზიდენტი ილჰამ ალიევი, სომხეთის პრეზიდენტი ვაჰან ხაჩატურიანი, ბელარუსის პრეზიდენტ ალექსანდრე ლუკაშენკო, სერბეთის პრეზიდენტი ალექსანდრ ვუჩიჩი, სლოვაკეთის პრემიერ-მინისტრი რობერტ ფიცო და უნგრეთის საგარეო საქმეთა მინისტრი პიტერ სიიარტო.

თუმცა მიწვეულ სტუმრებს შორის არ არის საქართველო, რომელიც 2023 წელს ჩინეთის სტრატეგიული პარტნიორი გახდა.

ჩრდილოეთ კორეის ლიდერი კიმ ჩენ ინი მომავალ კვირას პეკინში რუსეთის პრეზიდენტ ვლადიმერ პუტინთან ერთად სამხედრო აღლუმს დაესწრება, განაცხადა ჩინეთის მთავრობამ.

ეს იქნება კიმის პირველი მრავალმხრივი საერთაშორისო შეხვედრა, რაც შეიძლება ჩინეთის პრეზიდენტის, სი ძინპინის დიპლომატიურ გადატრიალებად ჩაითვალოს.

ღონისძიება ჩინეთის ლიდერს საშუალებას მისცემს, აჩვენოს თავისი გავლენა - თუმცა შეზღუდული - როგორც პუტინზე, ასევე კიმ ჩენ ინზე, რადგან ვაშინგტონი ცდილობს მოსკოვთან შეთანხმების მიღწევას უკრაინაში ომის დასრულების მიზნით.

აშშ-ის პრეზიდენტი დონალდ ტრამპი ღონისძიებას არ დაესწრება, მაგრამ ამ კვირის დასაწყისში მან განაცხადა, რომ სურს შეხვდეს ჩრდილოეთ კორეის ლიდერს, რომელიც ბირთვულ არსენალს აძლიერებს და რუსეთს უჭერს მხარს დასავლეთის შეშფოთების მიზნით.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს