უკვე რამდენიმე დღეა, ოკუპირებული აფხაზეთის ბენზინგასამართ სადგურზე აბრები ჰკიდია: „დაკეტილია. საწვავი არ არის!“ ბენზინი არ არის, - კერძოდ, კომპანია „აზიდის“ და სახელმწიფო საწარმო „აფხაზტოპის“ ბენზინგასამართ სადგურებზე.

„როსნეფტისა“ და „პოდოროჟნიკის“ კომპანიების (რომლებიც რუსი ბიზნესმენის, „როსნეფტის“ ყოფილი ხელმძღვანელის, ედუარდ ხუდაინატოვის საკუთრებაშია) ბენზინი ჩვეულ რეჟიმში იყიდება. სწორედ აქ იქმნება გრძელი რიგები. სოციალური მედიის მომხმარებლები აქვეყნებენ ფოტოებს, სადაც მანქანები რამდენიმე რიგშია გაჩერებული. „საწვავის კოლაფსი აფხაზეთში“, - წერენ ადგილობრივი მოსახლეობა ფოტოებს წარწერებით.

აფხაზეთში საწვავის კრიზისი ახალი ფენომენი არ არის. მაგალითად, 2024 წელს რუსეთის მთავრობამ „როსნეფტს“ ოკუპირებულ რეგიონებში საწვავის ექსპორტის ექსკლუზიური უფლება მისცა. შედეგად, აფხაზეთში ბენზინგასამართი სადგურების უმეტესობა ან დაიხურა, ან საწვავის ნაკლებობის გამო ვერ ფუნქციონირებს.

ამასობაში,აფხაზეთის დე-ფაქტო უწყებები და საწვავის კომპანიების მფლობელები პანიკის თავიდან აცილებისკენ მოუწოდებენ. მათი თქმით, აფხაზეთში საწვავის კრიზისი არ არის - საქმე მხოლოდ სეზონურ მიწოდების პრობლემებს ეხება. კომპანია „აფსნი-ოილის“ გენერალურმა დირექტორმა ოლეგ ლაკობამ განმარტა, რომ საწვავის იმპორტზე გავლენას ახდენს ლოგისტიკური სირთულეები:

„ყოველ ზაფხულს აფხაზეთში ვხედავთ ან მოთხოვნის ზრდას, ან საწვავის მიწოდების შეფერხებას. ეს, რა თქმა უნდა, იმით არის განპირობებული, რომ რუსეთის რკინიგზის ჩრდილოეთ კავკასიის სეგმენტი ძალიან დატვირთულია. და იმის გათვალისწინებით, რომ ამ საწვავს რკინიგზით ვიღებთ, შეკვეთილი და გადახდილი საწვავი ყოველთვის დროულად არ მოდის“, - თქვა მან „სოჩი 24“-თან ინტერვიუში.

აფხაზეთის ე.წ ენერგეტიკის სამინისტრო ირწმუნება, რომ სიტუაცია კონტროლს ექვემდებარება. ენერგეტიკის მინისტრმა ბატალ მუშბამ პირობა დადო, რომ საწვავის ახალი პარტია აფხაზეთში უახლოეს დღეებში ჩამოვა:

ავტორი: ექსპრესნიუსი,

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა