შვეიცარია მზადაა, იმუნიტეტი მიანიჭოს რუს დიქტატორ ვლადიმერ პუტინს, თუ ის უკრაინაში სამშვიდობო მოლაპარაკებებისთვის ჩამოვა. ამის შესახებ შვეიცარიის საგარეო საქმეთა მინისტრმა, იგნაციო კასისმა განაცხადა, წერს Euractiv.

აღნიშნულია, რომ შვეიცარია ვალდებულია დააკავოს პუტინი, რადგან საერთაშორისო სისხლის სამართლის სასამართლომ მასზე ორდერი გასცა. მიუხედავად ამისა, კასისმა აღნიშნა, რომ გარკვეულ გარემოებებში რუს დიქტატორს შვეიცარიაში შესვლის უფლება მიეცემა.

„გასულ წელს შვეიცარიის მთავრობამ განსაზღვრა იმუნიტეტის მინიჭების წესები იმ პირისთვის, რომლის მიმართაც საერთაშორისო დაპატიმრების ორდერია გაცემული. თუ ეს პირი სამშვიდობო კონფერენციაზე ჩამოვა, და არა პირადი მიზეზების გამო“, - განაცხადა შვეიცარიის საგარეო საქმეთა სამინისტროს ხელმძღვანელმა.

კასისმა დასძინა, რომ შვეიცარია სრულად მზადაა უმასპინძლოს პუტინსა და უკრაინის პრეზიდენტ ვოლოდიმირ ზელენსკის შეხვედრას. მან ხაზი გაუსვა თავისი ქვეყნის მრავალწლიან გამოცდილებას ასეთი ღონისძიებების ჩატარებაში.

თუმცა, კასისმა აღნიშნა, რომ რუსეთი „გაცივდა“ შვეიცარიის მიმართ, რომელმაც გადაწყვიტა შეუერთდეს ევროკავშირის ქვეყნების მიერ დაწესებულ სანქციებს უკრაინაში სრულმასშტაბიანი შეჭრის დაწყების შემდეგ.

„მითხრეს, რომ მას შემდეგ, რაც შვეიცარიამ ევროპული სანქციები მიიღო, მათ, ბუნებრივია, შვეიცარიაში ამის გაკეთების სურვილი დაკარგეს“, - დასძინა მან.

გამოცემამ გაიხსენა, რომ ადრე საფრანგეთის პრეზიდენტმა ემანუელ მაკრონმა პუტინსა და უკრაინის პრეზიდენტ ვოლოდიმირ ზელენსკის შორის სამიტის ჩატარების საკითხი წამოჭრა. მან შესთავაზა ასეთი შეხვედრის ორგანიზება ევროპაში, სავარაუდოდ, „ნეიტრალურ“ ქვეყანაში.

„მე ჟენევაზე მოვითხოვ“, - განაცხადა მაკრონმა ფრანგული არხის LCI ეთერში.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times