მთავარი პროკურორის ირაკლი შოთაძის განცხადებით,  კუდ-ის ყოფილი მაღალჩინოსნის გიორგი დგებუაძის საქმის განხილვა მხოლოდ ერთ ბრალდებას მოიცავს.

შოთაძის განცხადებით, დგებუაძის, იგივე  „მასტერას“  ექსტრადირება ე.წ. ნავთლუღის საქმის ბრალდების ფარგლებში მოხდა.

ამასთან, შოთაძის თქმით, საქართველოს მთავარმა პროკურატურამ  დგებუაძის ექსტრადირებისთვის უდიდესი სამუშაო გასწია.

„ექსტრადირების პროცესი საკმაოდ რთულ პროცედურებს მოიცავს. შესაბამისად, საქართველოს პროკურატურამ უდიდესი სამუშაო გასწია იმ მიმართულებით, რომ მომხდარიყო გიორგი დგებუაძის საქართველოში ექსტრადირება. ჩვენი მოთხოვნა დასაშვებად იქნა ცნობილი ჰოლანდიის სასამართლოს მიერ და შესაბამისად, მოხდა დგებუაძის საქართველოში ექსტრადირება, რომელიც, ჩვენივე მოთხოვნის საფუძველზე, ინტერპოლის წითელი ცირკულარით იძებნებოდა. მისი ექსტრადირება მოხდა ე.წ. ნავთლუღის საქმის ბრალდების ფარგლებში. შესაბამისად, საერთაშორისო ვალდებულებების გათვალისწინებით, მოხდება მისი საქმის განხილვა მხოლოდ ამ ბრალდების საქმეში“, - განაცხადა ირაკლი შოთაძემ.

ცნობისთვის, კონსტიტუციური უსაფრთხოების დეპარტამენტის ყოფილი მაღალჩინოსანი, შეიარაღებული ძალების გაერთიანებული შტაბის სამხედრო პოლიციის დეპარტამენტის უსაფრთხოებისა და განსაკუთრებულ დავალებათა მთავარი სამმართველოს ყოფილი უფროსი გიორგი დგებუაძე, იგივე "მასტერა" საქართველოში ჩამოიყვანეს.

მისი ექსტრადიცია ჰოლანდიიდან გამთენიისას განხორციელდა.  დგებუაძე  სასჯელაღსრულების დაწესებულებაშია გადაყვანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა