უკრაინის საგარეო საქმეთა სამინისტრო "ქართულ ოცნებას" პასუხობს - ომში მყოფი ქვეყნის დიპლომატიური უწყება ივანიშვილის გუნდის მიერ, საარჩევნო კლიპში რუსეთის მიერ დაბომბილი ქალაქების ჩვენებას არამეგობრულ ქმედებას უწოდებს. 

უკრაინის საგარეო საქმეთა სამინისტრო წერს, რომ საკუთარი პოლიტიკური პიარისთვის ომის კადრების გამოყენება  უკრაინის ხალხისა და რუსეთის აგრესიის მსხვერპლების მიმართ უპატივცემულობაა და უკრაინული საზოგადოების სამართლიან აღშფოთებას იწვევს. 

მათი თქმით, "საქართველოს ამჟამინდელმა ხელისუფლებამ ქვეყანას წაართვა არა ომი, არამედ ევროპული მომავალი".

"უკრაინის საგარეო საქმეთა სამინისტრომ ყურადღება მიაქცია „ქართული ოცნების“ კიდევ ერთ არამეგობრულ ქმედებას, რომელიც საკუთარი პოლიტიკური პიარისთვის აგრძელებს ვიდეოების გამოყენებას რუსეთის ფართომასშტაბიანი აგრესიის უკრაინაში.

ასეთი ცინიკური ნაბიჯები აჩვენებს უპატივცემულობას უკრაინის ხალხისა და რუსეთის აგრესიის მსხვერპლების მიმართ და იწვევს უკრაინული საზოგადოების სამართლიან აღშფოთებას.

სამწუხაროა, რომ საქართველოს ხელისუფლება თავს იწონებს მოსკოვის წინაშე და უგულებელყოფს ღირსებისა და დამოუკიდებლობის პრინციპებს, რომლებიც ისტორიულად დამახასიათებელია ქართული ერისთვის და წარმოადგენს მისი იდენტობის განუყოფელ ნაწილს.

ჩვენ ვურჩევთ საქართველოს მმართველი პარტიის პოლიტტექნოლოგებს, იყვნენ გულწრფელები საკუთარ ხალხთან და საკუთარ გვერდებზე განათავსონ უფრო სიმართლესთან ახლოს მყოფი სურათი: მარჯვნივ — რუსეთის ტრიკოლორი, ხოლო მარცხნივ — ევროკავშირისა და ნატოს დახურული კარები. ეს იქნება სიმართლე, რადგან საქართველოს ამჟამინდელმა ხელისუფლებამ ქვეყანას წაართვა არა ომი, არამედ ევროპული მომავალი.

ამავე დროს, უკრაინა რჩება თანმიმდევრული და მტკიცე საქართველოს მეგობარი ხალხის მხარდაჭერაში, მათ დამოუკიდებელი, დემოკრატიული და ევროპული სახელმწიფოს აშენების მისწრაფებაში", - წერია გავრცელებულ განცხადებაში.

„ქართული ოცნება“ თვითმმართველობის არჩევნების წინაც ისევ უკრაინის ომის კადრებს იყენებს. მმართველმა პარტიამ წინასაარჩევნო საიმიჯო კლიპში ერთმანთს "ვაკის პარკის" შადრევანი და რუსეთის მიერ დანგრეული უკრაინის ქალაქები დაუპირისპირა.  

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს