უკვე ორი წელიწადია, რაც "ავერსი" საფეხბურთო კლუბ "დინამო თბილისის" სპორტსმენების ჯანმრთელობაზე ზრუნავს – მათ ყველა საჭირო მედიკამენტითა და სამედიცინო მომსახურებით უზრუნველყოფს.

საფეხბურთო კლუბმა "დინამო თბილისმა" კომპანია "ავერსს" ორწლიანი თანამშრომლობის აღსანიშნავად სპეციალური სიგელი გადასცა.

საფეხბურთო კლუბ "დინამო თბილისის" პრეზიდენტი რომან ფიფია აღნიშნავს, რომ "ავერსი" "დინამოს" ერთ-ერთი მნიშვნელოვანი პარტნიორია. მათ შორის თანამშრომლობა კვლავ გაგრძელდება და კომპანია "ავერსი" "დინამოს" ფეხბურთელების ჯანმრთელობაზე ისევ იზრუნებს.

– "უკვე ორი წელიწადია, რაც "ავერსი" ჩვენი პარტნიორია, და ეს ის ვადაა, როცა ჩვენი ურთიერთობის შეფასება შეგვიძლია. მინდა მადლობა ვუთხრა ბატონ პაატას, რადგან მისგან უდიდეს მხარდაჭერას ვგრძნობთ იმ უპრეცედენტო საქველმოქმედო პროექტში, რომელსაც ქართული ფეხბურთის განვითარება ჰქვია, ეს არის სრულად სოციალური პროექტი. სრულფასოვანი სამედიცინო მომსახურების გარეშე სპორტის ვერც ერთი სახეობა ვერ განვითარდება, ამიტომ "ავერსის" თანადგომა ჩვენი სპორტსმენებისთვის და საერთოდ, ქვეყნის წარმატებისთვის სასიცოცხლოდ მნიშვნელოვანია.

როგორც "ავერსის" დამფუძნებელმა აღნიშნა, თანამშრომლობა "დინამო თბილისთან" ქართული სპორტის განვითარების ხელშეწყობას, ჯანმრთელი მომავალი თაობების აღზრდას და, საზოგადოდ, სპორტის პოპულარიზაციასა და მხარდაჭერას ისახავს მიზნად:

– "ავერსი" საფეხბურთო კლუბ "დინამო თბილისის" სპორტსმენებს პირველ რიგში მედიკამენტებით, ასევე სამედიცინო დაწესებულებების მომსახურებით უზრუნველყოფს და ჩვენი სურვილია, რომ ამ ქველმოქმედებით გარკვეული წვლილი შევიტანიოთ ქართული ფეხბურთის განვითარების საქმეში", – აღნიშნავს ბატონი პაატა.

"ავერსის" დამფუძნებელი პაატა კურტანიძე ქართული სპორტის დიდი ქომაგი და გულშემატკივარია და მნიშვნელოვანი წვლილიც შეაქვს მის განვითარებაში. "ავერსი" ზრუნავს ვეტერან და მოქმედ სპორტსმენებზეც და მათ საჭირო მედიკამენტებითა და სამედიცინო მომსახურებით უზრუნველყოფს. ამ პირობით "ავერსსა" და ოლიმპიურ კომიტეტს შორის ჯერ კიდევ 2009 წლის 19 თებერვალს პირველად გაფორმდა ხელშეკრულება.

"სასიხარულოა, რომ გვაქვს შესაძლებლობა, გამოვხატოთ პატივისცემა და მადლიერება იმ ადამიანების მიმართ, რომლებმაც ათწლეულების განმავლობაში იშრომეს, იღვაწეს იმისათვის, რომ საქართველო ესახელებინათ. იმედი გვაქვს, ჩვენს ქვეყანას ახალგაზრდა ფეხბურთელებიც ასევე გაუთქვამენ სახელს – აღნიშნავს ბატონი პაატა.

"ავერსი" საფეხბურთო კლუბ "დინამო თბილისის" სპორტსმენებს წარმატებას, გამარჯვებას, ჯანმრთელობასა და სულიერ სიმშვიდეს უსურვებს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს