დიპლომატი დიპლომატს აღარ ჰგავს - პაველ ჰერჩინსკის დიპლომატიური ეტიკეტი დაკარგული აქვს, - აღნიშნული შეფასება ჟურნალისტებთან „ქართული ოცნების“ დეპუტატმა არჩილ გორდულაძემ გააკეთა.

გორდულაძე იმასაც ამბობს, რომ ევროკავშირის წარმომადგენელს ბოდიში აქვს მოსახდელი.

„მაშინ, როდესაც დიპლომატი ჰერჩინსკი წინასაარჩევნო პერიოდში გამოდის და საზოგადოებას მიმართავს, რომ თუ თქვენ ევროპული არჩევანი გინდათ, „ქართულ ოცნებას“ მხარი არ დაუჭიროთ, ვინმემ ახსნას, ეს რა დიპლომატიურ ჩარჩოში ჯდება. როდესაც ვამბობთ, რომ პაველ ჰერჩინსკის ბოდიში აქვს მოსახდელი, მათ შორის მან ბოდიში ასეთი განცხადებების გამო უნდა მოიხადოს, რადგან ესეც აგრესიული მოვლენების წამახალისებელი იყო.

ევროკავშირის მიერ დაფინანსებული არასამთავრობო ორგანიზაციები და ადამიანები ქვეყანაში სიძულვილსა და შუღლს აღვივებენ და ელჩს ამაზე განმარტებების გაკეთება არ უნდა.

როდესაც ევროკავშირი იღებს გადაწყვეტილებებს რეზოლუციების სახით, რომელიც აბსოლუტური ტყუილებით არის სავსე და პაველ ჰერჩინსკი განცხადებას არ აკეთებს, ეს იმაზე მეტყველებს, რომ ჰერჩინსკის დიპლომატიური ეტიკეტი დაკარგული აქვს“, - განაცხადა გორდულაძემ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს