თავდაცვის მინისტრის ყოფილი მოადგილე წაყანებულ ბრალს არ ეთანხმება

2025-07-29 11:27:00, 2451 ნახვა

სამართალი

თავდაცვის ყოფილი მინისტრის, ჯუანშერ ბურჭულაძის ყოფილი მოადგილე, გიორგი ხაინდრავა, პროკურატურის მიერ წაყენებულ ბრალს არ ეთანხმება.

ყოფილმა მაღალჩინოსანმა სასამართლო პროცესზე, რომელიც ამ წუთებში მიმდინარეობს, 10 ათასი ლარის გირაო მოითხოვა.

ჩემზე არც მოდავე არაა არავინ, ხელსაც არავინ არ მადებს და არც მოწმეებთან მქონია კონტაქტი, არადა ვიცოდი ვინ იყვნენ იმიტომ რომ დაკითხვის დროს საგამოძიებო უწყებაში მითხრეს. პირიქით სახლში ვიჯექი და თავს ვარიდებდი გარეთ გასვლასაც, გამომძიებელთანაც სულ კონტაქტი მქონდა", - განაცხადა გიორგი ხაინდრავამ.

გამოძიების ინფორმაციით, ჯუანშერ ბურჭულაძის მოადგილემ, გიორგი ხაინდრავამ და თავდაცვის სამინისტროს შესყიდვების დეპარტამენტის იმდროინდელმა უფროსმა, ვლადიმერ ღუდუშაურმა ბურჭულაძის ცოლის ძმის, ვასილ მხეიძის დახმარებით, სამინისტროს მიერ სამხედრო ჰოსპიტლისთვის, მაგნიტურ-რეზონანსული ტომოგრაფის აპარატის შეძენის პროცესში მიზანმიმართული ქმედებებით არაკონკურენტული გარემო შექმნეს.

უწყება ამბობს, რომ დაკავებულებმა საქართველოს თავდაცვის სამინისტროს კუთვნილი 1 333 728 ლარი გაფლანგეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,