გამოცემა „ბათუმელებმა” განაცხადა, რომ მკითხველის დახმარებით ბიუჯეტის წინაშე არსებული დავალიანების ძირი თანხა – 47 ათასი ლარი გადაიხადეს.

ამ ეტაპზე „ბათუმელებს“ გადასახდელი დარჩა ძირ თანხაზე დარიცხული საურავი და ჯარიმა: საურავი 126 ათასი ლარი და ჯარიმა – 109 ათასი ლარი.

„ბათუმელების” ანგარიშს შემოსავლების სამსახურმა ინკასო 17 ივლისს დაადო. მედიამ ეს „ოცნების” მხრიდან მათი საქმიანობის შეწყვეტის სურვილს დაუკავშირა.

„ბათუმელების“ განცხადებით, ინკასოს მუქარის შემდეგ, შემოსავლების სამსახურს ოფიციალურად მიმართეს და სთხოვეს, ვალის გადასახდელად შეეთავაზებინათ გრაფიკი, რაზეც უარი მიიღეს.

მედია ამბობს, რომ ინკასო და უახლეს ერთ კვირაში დაგეგმილ ყველა სხვა ოპერაციას მიმართულია პატიმრობაში მყოფი მზია ამაღლობელის გასატეხად, პერსპექტივაში კი მის მიერ შექმნილი მედიაორგანიზაციის გასანადგურებლად.

„ამის მარტივი დადასტურებაა ერთი მაგალითი: შემოსავლების სამსახურის 2025 წლის 21 მაისის ოფიციალური ინფორმაციით, ტელეკომპანია „იმედის“ დავალიანება ბიუჯეტის წინაშე არის 17 მილიონი ლარი. „რუსთავი 2-ს“ კი 25 მილიონი ლარი აქვს ბიუჯეტისთვის გადასახდელი“, – ნათქვამია „ბათუმელების“ განცხადებაში.

დღეს, 21 ივლისს შემოსავლების სამსახურმა განაცხადა, რომ საგადასახადო შეთანხმების შემთხვევაში, მზად არიან, მოხსნან ყადაღა მედიაორგანიზაციის ანგარიშებზე, შესაბამისი გრაფიკის მიხედვით, მისცენ საშუალება, დაფაროს საბიუჯეტო დავალიანება.

ავტორი: ექსპრესნიუსი,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა