საქართველოს ბანკი, გაეროს განვითარების პროგრამასთან (UNDP) ერთად, შვედეთის მთავრობის მხარდაჭერითა და EFSE Entrepreneurship Academy-ის ჩართულობით, მეწარმე ქალთა განვითარების პროგრამას აგრძელებს. დაინტერესებულ მეწარმე ქალებს პროგრამის მე-11 ნაკადში მონაწილეობის მისაღებად უკვე შეუძლიათ, შეავსონ განაცხადი  და ბიზნესის განვითარებისთვის 360°-იანი მხარდაჭერა მიიღონ.

პროგრამის ერთ-ერთი მთავარი კომპონტენტი - ინტენსიური სამდღიანი ვორკშოპია, რომელიც ამჯერად ქუთაისში, 5, 6 და 7 აგვისტოს ჩატარდება. პროგრამაზე რეგისტრაცია 16 ივლისიდან დაიწყო.

პროგრამა ოთხ მთავარ ღირებულებაზეა დაფუძნებული: ცოდნა, მხარდაჭერა, გამოცდილება და თანამშრომლობა. მონაწილეები ვორკშოპებში პროფესიულ მხარდაჭერას მიიღებენ. ასევე, პლატფორმაზე – businesscourse.ge ონლაინ კურსებს გაივლიან  და გამოცდილ მენტორებთან იმუშავებენ. პროგრამის მონაწილეებს შესაძლებლობა ექნებათ, მიიღონ პრაქტიკული გამოცდილება  და გაიუმჯობესონ უნარები ბიზნესის მართვის, გაყიდვების, ელექტრონული კომერციის, ფინანსების, მარკეტინგისა და სხვა მნიშვნელოვანი მიმართულებებით.

გარდა ამისა, პროგრამა მეწარმე ქალებს გრანტის მიღების შესაძლებლობას სთავაზობს, რაც მათ ბიზნეს იდეის განხორციელებაში დაეხმარება.

„მოხარული ვართ, რომ მეწარმე ქალთა განვითარების პროგრამაში უკვე მეთერთმეტე ნაკადი ჩაერთვება. ამ ინიციატივით, ჩვენ ქალ მეწარმეებს უნიკალურ შესაძლებლობას ვაძლევთ – არა მხოლოდ ცოდნა შეიძინონ და პრაქტიკული მხარდაჭერა მიიღონ, არამედ საქმიანი ქსელის ნაწილი გახდნენ და თანამოაზრეები გაიცნონ. პროგრამა მათ ბიზნესიდეების რეალურ, წარმატებულ საქმედ ქცევაში დაეხმარება“, – აღნიშნავენ საქართველოს ბანკში.

აღმოაჩინეთ მეტი ინფორმაცია პროგრამის შესახებ საქართველოს ბანკის ვებგვერდზე.

პროგრამა საქართველოს ბანკის ბიზნეს 360° პლატფორმის ნაწილია — ინიციატივის, რომელიც აერთიანებს საგანმანათლებლო ღონისძიებებს, პრაქტიკულ რესურსებსა და სხვა მრავალ აქტივობას, რაც ბიზნესს ზრდასა და განვითარებაში ეხმარება.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ