ამერიკისა და ევროპის პოლიტიკური ლიდერები და ექსპერტები ბრიუსელის ფორუმზე შეიკრიბნენ.

ფორუმზე, რომელიც წელიწადში ერთხელ იმართება, უსაფრთხოების საკითხებს, მნიშვნელოვან გამოწვევებსა და მსოფლიოს ეკონომიკურ ვითარებას განიხილავენ.

ბელგიის დედაქალაქში, საქართველოს ხელისუფლების ბოლო პერიოდში განხორციელებული რეფორმები დადებითად შეფასდა.

ევროკომისიამ ევროპარლამენტს სავიზო ლიბერალიზაციასთან დაკავშირებით საკანონმდებლო ინიციატივები გადასცა. როგორც ევროპარლამენტის პრეზიდენტი მარტინ შულცი აცხადებს, ევროპარლამენტის უმრავლესობის ხმების მისაღებად საქართველომ ბევრი კრიტერიუმი უნდა დააკმაყოფილოს.

„სავიზო რეჟიმის გამარტივება ქვეყნის სტაბილურობასა და ევროკავშირი-საქართველოს ურთიერთობების გაღრმავებას ხელს შეუწყობს. პარლამენტის უმრავლესობის ხმების მისაღებად საქართველომ ბევრი კრიტერიუმი უნდა დააკმაყოფილოს. ქვეყანამ მართლაც ბევრი რამ გააკეთა ბოლო დროს და პროგრესი განიცადა. ასე რომ, მე შედარებით ოპტიმისტურად ვარ განწყობილი“,- განაცხადა ევროპარლამენტის პრეზიდენტმა.

აღსანიშნავია, რომ ბრიუსელში საქართველოდან პრეზიდენტის მრჩეველი საგარეო საკითხებში, თენგიზ ფხალაძე, ნაციონალური მოძრაობის ერთ-ერთი ლიდერი, დავით ბაქრაძე და ყოფილი ელჩი ბელგიაში, სალომე სამადაშვილი იმყოფებიან.

მათი განცხადებით, მნიშვნელოვანია, რომ მსგავს ფორუმებზე დაფიქსირდეს საქართველოს ოკუპაციის თემა და რუსეთიდან მომდინარე საფრთხეები.

ცნობისთვის, ბრიუსელის ფორუმი ნატო-ს გენერალურმა მდივანმა და ევროპარლამენტის პრეზიდენტმა გახსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის