სოფლის მეურნეობის მინისტრი ოთარ დანელია სოფლის მეურნეობის მეცნიერებათა აკადემიის წევრებს  შეხვდა. 

სამინისტროს ინფორმაციით, ოთარ დანელიამ აკადემიის წარმომადგენლებს სოფლის მეურნეობის განვითარების სტრატეგიის ძირითადი მიმართულებები გააცნო და  სამოქმედო გეგმის ფარგლებში განხორციელებულ პროექტებზე ისაუბრა. შეხვედრაზე მინისტრმა ხაზგასმით აღინიშნა, რომ სოფლის მეურნეობის დარგის ეფექტიანი განვითარებისთვის მეცნიერების ჩართულობა და ზოგადად, სამეცნიერო-კვლევითი მიმართულება ძალიან მნიშვნელოვანია.

შეხვედრის ფარგლებში სოფლის მეურნეობის მინისტრმა, ოთარ დანელიამ და სოფლის მეურნეობის მეცნიერებათა აკადემიის პრეზიდენტმა, გურამ ალექსიძემ თანამშრომლობის მემორანდუმს მოაწერეს ხელი.

მემორანდუმი  სოფლის მეურნეობის სამინიტროსა და სოფლის მეურნეობის მეცნიერებათა აკადემიას შორის დარგობრივი განვითარების მიმართულებით მჭიდრო თანამშრომლობას ითვალისწინებს. მემორანდუმის ფარგლებში მოხდება გამოცდილების გაზიარება,  დარგობრივი პროგრამების განვითარება და სამეცნიერო-კვლევითი მიმართულებით აქტიური მუშაობა.

სოფლის მეურნეობის მეცნიერებათა აკადემიის პრეზიდენტის, გურამ ალექსიძის განცხადებით, სამინისტროსთან გაფორმებული მემორანდუმის საფუძველზე  თანამშრომლობა უფრო ეფექტიანი გახდება და დარგის განვითარების მიმართულებით ბევრი მნიშვნელოვანი  ღონისძიება განხორციელდება.

შეხვედრის დასასრულს, სოფლის მეურნეობის მინისტრმა მეცნიერებათა აკადემიის წევრებს ღვინის ეროვნული სააგენტოს ბაზაზე არსებული ღვინის მუზეუმი და ენოთეკა დაათვალიერებინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო