დღეს, 18:00 საათზე, ვანო  სარაჯიშვილის  სახელობის თბილისის სახელმწიფო  კონსერვატორიის მცირე დარბაზში გაიმართება კლასიკური საოპერო მუსიკის  კონცერტი სახელწოდებით „სოლიდარობა  პარიზს!".

როგორც „ექსპრესნიუსს“ თბილისის მერიის კულტურული ღონისძიებების ცენტრიდან აცნობეს, ღონისძიება ეძღვნება  2015  წლის  13 ნოემბერს  საფრანგეთის  დედაქალაქ  პარიზში,  ისლამისტი ექსტრემისტების  მიერ  მოწყობილი ტერაქტების  შედეგად  დაღუპულთა ნათელ  ხსოვნას.

კლასიკური  საოპერო  მუსიკის  კონცერტში  მონაწილეობას იღებენ   გამორჩეულად  ნიჭიერი, ღვაწლმოსილი    და  პოპულარული ქართველი საოპერო  მომღერალი, ახალგაზრდა  ტენორი  ირაკლი  კახიძე, ცნობილი ფრანგი  საოპერო  მომღერალი,  ახალგაზრდა  სოპრანო  კრისტელ  დი  მარკო და პიანისტ კონცერტმაისტერი, კონსერვატორიის ასოცირებული პროფესორი, ღვაწლმოსილი მუსიკოსი და პედაგოგი, ქალბატონი მარინა ადამიშვილი.

კონცერტის იდეის ავტორია საოპერო მომღერალი დიანა გოგოჭური. ღონისძიების  ინიციატორები არიან ქართველი ტენორი ირაკლი კახიძე და კულტურისა და ხელოვნების  აკადემიური ცენტრი, ხელმძღვანელი ირაკლი  წერეთელი. საკონცერტო ღონისძიება ტარდება  თბილისის მერიის კულტურის საქალაქო სამსახურის, თბილისის  კულტურული ღონისძიებების ცენტრისა და თბილისის ვანო სარაჯიშვილის სახელობის სახელმწიფო კონსერვატორიის მხარდაჭერით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს