კალიფორნიის გუბერნატორის, გევინ ნიუსომმის განცხადებით, შტატი სასამართლოში სარჩელს შეიტანს დონალდ ტრამპის ადმინისტრაციის წინააღმდეგ. ამის შესახებ გუბერნატორმა MSNBC-ს ინტერვიუს დროს განაცხადა.

ნიუსომმი აღნიშნავს, რომ ლოს ანჯელესში ეროვნული გვარდიის განთავსების შესახებ დონალდ ტრამპის გადაწყვეტილება არის კრიზისის გამწვავება.

„დონალდ ტრამპმა შექმნა ის პირობები, რასაც დღეს საღამოს თქვენ ტელევიზორში ნახეთ. მან გაამწვავა ვითარება მას შემდეგ, რაც განაცხადა, რომ ეროვნული გვარდია გამოჰყავდა“, – განაცხადა კალიფორნიის გუბერნატორმა.

ნიუსომმა აღნიშნა, რომ ეროვნული გვარდიის განლაგების ბრძანებამ დაარღვია დადგენილი პროტოკოლები, რომლებიც მოითხოვს შტატების გუბერნატორებთან კოორდინაციას.

„ისინი ჩემთან კოორდინაციაში არ ყოფილან. არსებობს პროტოკოლი, არსებობს პროცესი. მას ეს არ აინტერესებდა“, – განაცხადა ნიუსომმა.

ავტორი: ექსპრესნიუსი,

სოციალური ქსელები

თბილისის საქალაქო სასამართლოში გიორგი ვაშაძის საქმეზე პირველი არსებითი სხდომა მიმდინარეობს

ორბანი - რუსებს მხოლოდ ძალის ენა ესმით და ევროპა ძლიერი უნდა იყოს

უკრაინის საჰაერო ძალები - რუსეთმა უკრაინის ერთ-ერთ ოპერატიულ აეროდრომს დაარტყა

ირაკლი ზარქუა - ვის რაში სჭირდება ან ბოკუჩავა, ან მისი მეუღლე?!