უკრაინის პრეზიდენტის ვლადიმირ ზელენსკის თქმით, 2 ივნისს სტამბოლში რუსეთთან მორიგ მოლაპარაკებებს თავდაცვის მინისტრი რუსტემ უმეროვი უხელმძღვანელებს.

Ukrainskaya Pravda-ს ინფორმაციით, სტამბოლის მოლაპარაკებებამდე ზელენსკიმ საგარეო საქმეთა მინისტრთან, თავდაცვის მინისტრთან, გენშტაბის უფროსსა და დაზვერვის ხელმძღვანელებთან თათბირი გამართა.

ზელენსკის თქმით, მოლაპარაკებებზე უკრაინა საკუთარ პირობებს დააყენებს.

,,პირველი, სრულყოფილი და უპირობო ცეცხლის შეწყვეტა. მეორე, ტყვეების გათავისუფლება. მესამე, გატაცებული ბავშვების დაბრუნება. იმისთვის, რომ დამყარდეს სანდო და ხანგრძლივი მშვიდობა და უზრუნველყოფილ იქნას უსაფრთხოება, ლიდერების უმაღლეს დონეზე შეხვედრა უნდა მომზადდეს". - განაცხადა ზელენსკიმ.

მანამდე, რუსეთის საგარეო საქმეთა მინისტრმა, სერგეი ლავროვმა უკრაინას 2 ივნისს მოლაპარაკებების მეორე რაუნდის გამართვა კვლავ სტამბოლში შესთავაზა. მისი თქმით, რუსეთის დელეგაცია მზად არის, უკრაინას კონფლიქტის დარეგულირების შესახებ საკუთარი მემორანდუმი წარუდგინოს.

ავტორი: ექსპრესნიუსი,

სოციალური ქსელები

პროტესტის 188-ე დღეს რუსთაველის გამზირი კვლავ გადაიკეტა

„ევრობარომეტრი“ - საქართველოში ევროკავშირისადმი ნდობა შემცირებულია და 49% შეადგენს

საქართველო-ფარერების მატჩის გამო, დინამო არენას მიმდებარედ მოძრაობა დროებით შეიზღუდება

მამუკა ხაზარაძე - ახალი არჩევნებისა და პოლიტპატიმრების გათავისუფლების მოთხოვნა დღის წესრიგიდან არ იხსნება