ოკუპირებულ აფხაზეთში, გალის რაიონში თურქეთისა და აზერბაიჯანის მოქალაქეები დააკავეს. მარიონეტული რეჟიმის ე.წ. სახელმწიფო უსაფრთხოების სამსახურის (СГБ) ცნობით, დე ფაქტო უწყებამ რუსეთის ფედერალური უსაფრთხოების სამსახურის სასაზღვრო დეპარტამენტთან ერთად, გამოავლინა "სახელმწიფო საზღვრის უკანონო გადაკვეთის არხი", რის შედეგადაც დააკავა უცხო ქვეყნის მოქალაქეების ორი ჯგუფი.

"ერთ ჯგუფში თურქეთის ორი მოქალაქეა: 1997 წელს დაბადებული სელჩუკ გურენი, რომელიც ოპერატიული მონაცემების თანახმად, ინტერპოლის მიერ საერთაშორისო ძებნის ქვეშაა თურქეთში წარსულში ჩადენილი შეკვეთილი მკვლელობისთვის და 2001 წელს დაბადებული დოგან ბერსანი, რომელიც ასევე მკვლელობისა და ნარკოტიკებით ვაჭრობისთვის იძებნება". - წერია განცხადებაში.

ასევე, დე ფაქტო უწყების ცნობით, 26 მაისს დააკავეს აზერბაიჯანის მოქალაქეები: 1974 წელს დაბადებული ჰასან აზიზოვი და 1990 წელს დაბადებული ნამაზ თაჰმაზლი.

ე.წ. სახელმწიფო უსაფრთხოების სამსახურის ცნობით, აზერბაიჯანის მოქალაქეებმა "საქართველოს ტერიტორიაზე სისხლისსამართლებრივი პასუხისმგებლობის თავიდან ასაცილებლად, აფხაზეთის ტერიტორიაზე მიმალვა სცადეს".

მარიონეტული რეჟიმის დე ფაქტო უწყებამ დაკავებულების წინააღმდეგ სისხლის სამართლის საქმე აღძრა და მათ "საზღვრის უკანონო კვეთის" გამო, სავარაუდოდ, 2-დან 5-წლამდე პატიმრობა ემუქრებათ.

ავტორი: ექსპრესნიუსი,

სოციალური ქსელები

ჯო უილსონი: MEGOBARI აქტი საბოლოოდ აუცილებლად დამტკიცდება

სუსი იკვლევს ღარიბაშვილის, ლილუაშვილის და სხვა ყოფილი მაღალჩინოსნების მილიონობით ლარის წარმომავლობას

სუს-ი - ქვეყნის ყოფილი მმართველების სახლებიდან ამოღებულია 7 მლნ 2 200 დოლარი, 136 000 ლარი და ძვირფასეულობა

ლატვიამ საქართველოს ორი მოქალაქე პერსონა ნონ გრატად გამოაცხადა