გიორგი ბაჩიაშვილის პროცესზე მედიის ნაწილს არ უშვებენ - ადგილზე ხმაურია.

ბიზნესმენის პროცესი საქალაქო სასამართლოში, ყველაზე მცირე დარბაზში უნდა ჩაატარონ, რასაც ბაჩიაშვილის ოჯახის წევრების პროტესტი მოჰყვა. დარბაზის შეცვლა სხდომის დაწყებამდე 20 წუთით ადრე გადაწყდა. 

"მტკვარი ჰესის" საქმეს მოსამართლე ნანა შამათავა განიხილავს. სწორედ მას მიმართავენ ადვოკატები დარბაზის შეცვლის შუამდგომლობით.

უკვე სასამართლო დარბაზში იმყოფება პროკურორი მიხეილ სადარაძე. რაც შეეხება გიორგი ბაჩიაშვილს, მას საბადრაგო სასამხაურის წარმომადგენლები სხდომაზე წუთი-წუთზე შეიყვანენ. 

პატიმარი, რომელიც წლები ივანიშვილის მილიარდების განკარგავდა, მზადაა მისი დაკავების ბურუსით მოცულ ამბავზე საჯაროდ ილაპარაკოს. წესით, დღეს უნდა გაეცეს მთავარ კითხვას პასუხი - როგორ მოხვდა  გიორგი ბაჩიაშვილი აბუდაბიდან - რუსთავის მე-12 ციხეში.

შეგახსენებთ, რომ 4 მარტს ცნობილი გახდა, რომ გიორგი ბაჩიაშვილმა საქართველო დატოვა. ამის შემდეგ, ე.წ. ბიტკოინების საქმეზე სასამართლომ მას 11 წლით თავისუფლების აღკვეთა მიუსაჯა. ბაჩიაშვილს ბრალი კიდევ ორ საქმეზე აქვს წარდგენილი. ე.წ. მტკვარი ჰესისა და საზღვრის უკანო კვეთაზე.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს