აშშ-ის ყოფილ პრეზიდენტ ჯო ბაიდენს პროსტატის კიბო დაუდგინდა, - ამის შესახებ გამოცემა „ნიუ-იორკ თაიმსი“ თეთრი სახლის ყოფილ პრესმდივანზე დაყრდნობით იუწყება.
„მიუხედავად იმისა, რომ ეს დაავადების უფრო აგრესიულ ფორმას წარმოადგენს, კიბო, როგორც ჩანს, ჰორმონალურად მგრძნობიარეა, რაც მისი ეფექტური მკურნალობის საშუალებას იძლევა <...> პრეზიდენტი და მისი ოჯახი ექიმებთან ერთად მკურნალობის ვარიანტებს განიხილავენ“, - განაცხადა ყოფილი სახელმწიფოს მეთაურის წარმომადგენელმა.
ბაიდენი ახლა 82 წლისაა. აშშ-ის ყოფილი პრეზიდენტის ჯანმრთელობა და შრომისუნარიანობა მისი პრეზიდენტობის პერიოდში რეგულარულად კითხვის ნიშნის ქვეშ დგებოდა. ამგვარად, მან საჯაროდ რამდენჯერმე დაკარგა წონასწორობა, წაბორძიკდა თვითმფრინავის კიბეებზე ასვლისას, გვერდები აირია და ენის არაერთი ცდაც დაუშვა.
ბაიდენის მიერ გასაიდუმლოებული დოკუმენტების დამუშავების გამოძიების დროს, საქმის პროკურორმა აშშ-ის მაშინდელი ლიდერი აღწერა, როგორც „ხანდაზმული კაცი კეთილი განზრახვით და მეხსიერების პრობლემებით“ და აღნიშნა, რომ დაკითხვის დროს მას ოჯახური თარიღებიც კი ავიწყდებოდა.
გასულ წელს, თეთრი სახლის ყოფილი უფროსი იძულებული გახდა, საპრეზიდენტო რბოლაში მონაწილეობაზე უარი ეთქვა ჯანმრთელობის მდგომარეობის შეშფოთების გამო.

ავტორი: ექსპრესნიუსი,

სოციალური ქსელები

რუსეთმა უკრაინის რეგიონებზე იერიში მიიტნა, განადგურებულია 41 დრონი

ვლადიმერ ბოჟაძე - ყველანაირი არჩევნები გამიგია, მაგრამ არა ტელეფონებით

Bloomberg - ვლადიმერ პუტინი დარწმუნებულია, რომ რუსეთი წლის ბოლომდე უკრაინის ოთხ რეგიონზე სრული კონტროლის მოპოვებას შეძლებს

ნონა გაფრინდაშვილი - რაც ჩვენ 26 მაისს გადავიტანეთ, წინასწარ იყო მოფიქრებული