თბილისის საქალაქო სასამართლოში აქციების დროს სისხლის სამართლის წესით დაკავებული 8 პირის საქმეზე მორიგი სასამართლო სხდომა გაიმართა.

დღევანდელ პროცესზე ბრალდების მხარის 5 მოწმე პოლიციელი გამოიკითხა, ხუთივე მათგანს საქმეში დაზარალებულის სტატუსი აქვს. 

საქმეზე მომდევნო სხდომა 23 მაისს, ისევ მტკიცებულებების გამოკვლევით გაგრძელდება. 

დღეს გამოკითხული ხუთივე მოწმე პოლიციელი: ნიკოლოზ ხურცილავა, ლაშა ბუიღლიშვილი, ივანე კაპანაძე, საბა ნაბახტეველი, ნიკოლოზ მანჯავიძე და გრიგოლ ჭანტურიძე, აღნიშნავდნენ რომ არ ახსოვთ ვისგან ნასროლი ქვა მოხვდათ. 

გარდა ამისა, დღევანდელ სხდომაზე მოწმე პოლიციელებმა თქვეს, რომ მათგან სისხლით დასვრილი ფორმები, ნივთმტკიცებად არ ამოუღიათ. 

დღევანდელ პროცესზე ბოლოს გამოკითხულმა მომწე პოლიციელმა ლაშა ბუიღლიშვილმა განაცხადა, რომ ქვა მოხვდა მუცელში, ასევე "შუბლის არეში", რის შედეგადაც ჰქონდა ნახეთქი ჭრილობდა. მისი თქმით, დაზიანება პირველი დეკემბრის აქციაზე მიიღო.

ადვოკატმა გუჯა ავსაჯანიშვილმა ბუიღლიშვილს ჰკითხა, შეესწრო თუ არა "ძალადობის ორგანიზების ფაქტს"? რაზეც მოწმემ განაცხადა:

"ყვიროდნენ - გადავთვალოთ, მივაწვეთ. არ დამინახია, ნიღბებში იყო უმეტესობა იქ და სახე არ დამინახია" - თქვა მოწმე პოლიციელმა.

ავსაჯანიშვილმა ბუიღლიშვილს ჰკითხა, დაისვარა თუ არა მისი საწვიმარი სისხლით, რაზეც მოწმემ უპასუხა, რომ "ძაანაც არ დასვრილა" და თუ უნდა შეუძლია სურათი აჩვენოს.

ავსაჯანიშვილი: - ტელეფონში გაქვთ?
ბუიღლიშვილი: - კი.
ავსაჯანიშვილი: - ახლაც?
ბუიღლიშვილი: - კი.

ადვოკატმა სხდომაზე მოსამართლეს შუამდგომლობით მიმართა და ლაშა ბუიღლიშვლის ტელეფონიდან აღნიშნული სურათის გამოთხოვა მოითხოვა. მოსამართლე მჭედლიშვილმა ავსაჯანიშვილის შუამდგომლობა არ დააკმაყოფილა.

აქციების დროს დაკავებული 8 პირის პროცესზე, უკვე ჯამში 10 მოწმე პოლიციელია გამოკითხული.

სამ ბრალდებულს, ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან - მათ 6-დან 9- წლამდე თავისუფლების აღკვეთა ემუქრებათ.

ხუთს კი - ირაკლი მიმინოშვილს, ინსაფ ალიევს, თორნიკე გოშაძეს, ნიკოლოზ ჯავახიშვილსა და გიორგი გიორგაძეს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის