საქართველოს მეხუთე პრეზიდენტმა სალომე ზურაბიშვილმა იტალიაში ვიზიტი დაასრულა, რომლის ფარგლებშიც რომის პაპ ფრანცისკეს დაკრძალვის ცერემონიას დაესწრო და წმინდა მარია მაჯორეს ბაზილიკაში მის ხსოვნას პატივი მიაგო.

ზურაბიშვილმა შეხვედრები გამართა იტალიის საკანონმდებლო და აღმასრულებელ ხელისუფლების წარმომადგენლებთან - იტალისს სენატსა და პარლამენტის ქვედა პალატაში და იტალიის დემოკრატიული პარტიის თავჯდომარე ელი შლეინთან.

პრეზიდენტი შეხვდა სენატის ევროპულ კომისიას თავმჯდომარეს, ჯულიო ტერცის და სენატის ევროპული კომისიის წევრ ფილიპო სენსის, ასევე, პარლამენტის ქვედა პალატის საგარეო საქმეთა კომიტეტის ვიცე-პრეზიდენტ ლია კუარტაპელეს, პარლამენტის ქვედა პალატის საგარეო საქმეთა კომიტეტის, შინაგან საქმეთა და ინფრასტრუქტურის კომიტეტის წევრებს: ანდრეა კაზუს, პატრიცია მაროკოს, ფედერიკა ონორის,  რიკარდო მაჯის, მატეო ანჯიოლის.

შეხვედრებზე საუბარი შეეხო საქართველოში არსული  პოლიტიკური ვითარებას, პოლიტპატიმრებისა და განსაკუთრებით, მზია მაღლობელის საქმესთან დაკავშირებული პროცესებს და დემოკრატიული ინსტიტუტების წინაშე არსებულ გამოწვევებს.

აღინიშნა, რომ მიმდინარე მოვლენების ფონზე განსაკუთრებულ მნიშვნელობას იძენს საერთაშორისო საზოგადოების, მათ შორის, ევროკავშირის აქტიური ჩართულობა და იტალიის, როგორც საქართველოს მეგობარი და პარტნიორი ქვეყნის მხარდაჭერის მნიშვნელობა ქვეყანაში დემოკრატიული პროცესების განვითარებისა და ასევე, ევროპულ სტრუქტურებში საქართველოს ინტეგრაციის პროცესის შეუქცევადობის მხარდაჭერის თვალსაზრისით.

პრეზიდენტმა იტალიელ პოლიტიკოსებს ,,წინააღმდეგობის პლატფორმის”  სამოქმედო ხედვები და მიზნები გააცნო და აღნიშნა, რომ ქვეყენაში კრიზისის დაძლევის ერთადერთი გზა ახალი არჩევნების დანიშვნა და პოლიტიკური პატიმრების გათავისუფლებაა.

სალომე ზურაბიშვილმა კვირაცხოვლობის დღესასწაული რომის წმინდა ანდრია პირველწოდებულის სახელობის სამრევლოში ქართულ დიასპორასთან ერთად აღნიშნა.

პრეზიდენტის იტალიაში ვიზიტის ფარგლებში, 5 ინტერვიუ შედგა საერთაშორისო მედიის წარმომადგენლებთან.

ავტორი: ექსპრესნიუსი,

სოციალური ქსელები

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება

ვაჟა-ფშაველას გამზირზე საგზაო მოძრაობა დროებით შეიზღუდება