საპარლამენტო უმრავლესობის წევრები პირადი ცხოვრების ამსახველი ვიდეომასალის გამოქვეყნების ფაქტს ეხმაურებიან. ხელისუფლებაში ამბობენ, რომ სამართალდამცავებმა მაქსიმალურად სწრაფად უნდა გამოიძიონ მომხდარი ფაქტები და პირველ რიგში გამოვლინდნენ ის პირები, რომლებმაც პირადი ცხოვრების ამსახველი ვიდეომასალები გაასაჯაროვოს.

სისტემურ დანაშაულზე საუბრობს საპარლამენტო უმრავლესობის წევრი ელისო ჩაფიძე. მისი თქმით, ხელისუფლებამ საგამოძიებო ორგანოებს უნდა მისცეს კონკრეტული ვადა იმისთვის, რომ გამოავლინონ დამნაშავე პირები და დასაჯონ სამაგალითოდ.

„საქმე გვაქვს სისტემურ დანაშაულთან. პირველი აუციელებლად უნდა მოიძებნონ და დაისაჯონ ის ადამიანები, რომლებიც ამას აკეთებენ და მე მგონი თანამედროვე ტექნოლოგიების ეპოქაში პრობლემა არ უნდა იყოს ამ სისხლის სამართლის დამნაშავეების გამოვლენა“, - განაცხადა ელისო ჩაფიძემ.

საპარლამენტო უმრავლესობის წევრთა განცხადებით, ეს ყველაფერი არის საკმაოდ რთული თემა და ამიტომ სამართლადამცავებმა აქტიურად უნდა იმუშავონ.

„თავი არ უნდა მოვიტყუოთ, რომ საქართველოს ხელისუფლება ტექნიკურად შეძლებს იმას, რომ ეს ჩაკეტოს და აბსოლუტურად დაგვაზღვიოს ინფორმაციის გავრცელებისაგან. ერთადერთი, რაც შეუძლია საქართველოს ხელისუფლებას ეს არის კანონის დარღვევაზე ეფექტური რეაგირება. ესეც იმ შემთხვევაში, ვინც კარგად ერკვევა ტექნოლოგიებში, თუ ატვირთვა მოხდა ვთქვათ საქართველოში ან თუ ატვირთვა მოხდა უცხოეთდან აქაც მთელი რიგი ტექნიკური სირთულეებია“, - განაცხადა ზაქარია ქუცნაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის