კომისიის მოთხოვნის შეუსრულებლობა არის სისხლის სამართლის დანაშაული. კომისიამ მოითხოვა მოსვლა, მამუკა ხაზარაძე არ მოვიდა - უფრო მარტივი კვალიფიკაციის სისხლისსამართლებრივი კაზუსი ბუნებაში არ არსებობს, - ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

მისი თქმით, მამუკა ხაზარაძის მიზანი, როდესაც ის უარს აცხადებს პარლამენტის დროებითი საგამოძიებო კომისიის სხდომებში მონაწილეობაზე, სწორედ სახელმწიფოს არაღიარებაა.

„მათ როდესაც გადაწყვიტეს, ხალხს უთხრან, რომ ეს არის პოლიტიკური დევნა, ეს არის სიმულაციის, თაღლითობის, უტიფრობის ყველაზე მაღალი ხარისხი, იმიტომ, რომ ფაქტის უფრო მარტივი იურიდიული ინტერპრეტაცია არ არსებობს.

სახელმწიფოს არაღიარებაა მისი [ხაზარაძის] მიზანი. არ აღიარებს რას ჰქვია? ამ ქვეყანაში ცხოვრობს, ამ ქვეყანაში იწოდება პოლიტიკოსად ჯერ კიდევ, ამ ქვეყანაშია სამწუხაროდ, ოპოზიციონერად პოზიციონირებული სააკაშვილის „რეკეტიორი“. ყოველ მეორე საქმეში „რეკეტიორი“ რომ აღმოჩნდება, ეს ადამიანი, პოლიტიკოსად არის წოდებული. წარმოიდგინეთ თაღლითობის ხარისხი, მან ქართული საზოგადოების რაღაც ნაწილს მოუნდომა იმის დაჯერება, რომ 17 მილიონი ისე ვასესხე ჩემს მეგობარს თუ პირიქით, ვისესხე ჩემი ბანკიდან, რომ მერე გავიგე წლების შემდეგ ამის შესახებო“, - აღნიშნა მამუკა მდინარაძემ ჟურნალისტებთან საუბრისას.

ავტორი: ექსპრესნიუსი,

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად