2016-03-14 11:16:56, 864 ნახვა
სამართალი
ალეკო ელისაშვილს პროკურატურაში დაკითხავენ
საკრებულოს დამოუკიდებელ დეპუტატს ალეკო ელისაშვილს პროკურატურაში დაკითხავენ.
მას შეწყალების გახმაურებულ საქმეებზე და ასევე ეკა ბესელიას ბრალდებებზე დაკითხავენ.
როგორ ცნობილია, ადამიანის უფლებათა დაცვის კომიტეტის თავმჯდომარე შეწყალების კომისიის ყოფილ თავმჯდომარეს, შეწყალების სანაცვლოდ, პატიმრისგან თანხის მოთხოვნაში ადანაშაულებს. ამ ფაქტის გამოძიების მოთხოვნით ბესელიამ პროკურატურას უკვე მიმართა.
ელისაშვილი მის მიმართ გამოთქმულ ბრალდებებს უარყოფს და გამოძიების დაწყებას თავადაც ითხოვს, პარალელურად, ცილისწამების, პატივისა და ღირსების შელახვისთვის ეკა ბესელიას წინააღმდეგ მიმდინარე კვირას სასამართლოში სარჩელის შეტანას გეგმავს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
