2016-03-12 21:21:29, 2214 ნახვა
რეგიონი
გორის რაიონის სოფელ ჯარიაშენთან რუსული სამშენებლო ტექნიკა გამოჩნდა
გორის რაიონის სოფელ ჯარიაშენთან, რომელიც ოკუპირებულ ტერიტორიას ესაზღვრება, რუსული სამშენებლო ტექნიკა გამოჩნდა.
ოკუპირებული ტერიტორიიდან გადმოსული შეიარაღებული პირები სოფელ ჯარიაშენის მცხოვრებელთა ხილის ბაღებში ვაშლის მრავალწლიან ნარგავებს ჭრიან და გზის გაყვანის სამუშაოებს აწარმოებენ.
ახალი გზა ადგილობრივების ბაღებსა და სახნავ-სათეს მიწებზე გადის, რომელიც სოფელ ჯარიაშენის მცხოვრებლებმა 2 წლის წინ მცოცავი ოკუპაციის დროს დაკარგეს. მთა-გორიანი ზედაპირისა და გამწვანების ადგილების გასწორება რუსული სამშენებლო ტექნიკით უკვე განხორციელებულია.
სოფელ ჯარიაშენის პერიმეტრზე ევროკავშირის სადამკვირვებლო მისიის წარმომადგენლები იმყოფებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
