ირანი მიესალმება სომხეთსა და აზერბაიჯანს შორის სამშვიდობო ხელშეკრულების პროექტის ტექსტის შეთანხმებას და მხარეებს დოკუმენტის რაც შეიძლება სწრაფად ხელმოწერისკენ მოუწოდებს. ამის შესახებ ირანის საგარეო საქმეთა მინისტრმა, სეიედ აბას არაგჩიმ ერევანში სომეხ კოლეგასთან, არარატ მირზოიანთან ერთობლივ პრესკონფერენციაზე განაცხადა.

ირანის საგარეო უწყების ხელმძღვანელმა ხაზი გაუსვა, რომ ირანის პოზიცია უცვლელია და თეირანი პატივს სცემს ქვეყნების დამოუკიდებლობასა და ტერიტორიულ მთლიანობას და რომ დაუშვებლად მიიჩნევს არსებული, საერთაშორისოდ აღიარებული საზღვრების ცვლილებას.

არაგჩიმ აღნიშნა, რომ ყველა რეგიონული პრობლემა უნდა გადაწყდეს დიპლომატიის გზით, ძალის გამოყენების გარეშე, რეგიონის ქვეყნების ძალისხმევით. მინისტრის თქმით, სამშვიდობო შეთანხმებას უდიდესი მნიშვნელობა აქვს რეგიონში მშვიდობის, სტაბილურობისა და ეკონომიკური განვითარებისთვის.

სიტუაციის ესკალაციის საფრთხის შესახებ კითხვაზე პასუხისას მინისტრმა აღნიშნა: „იმედი გვაქვს, რომ არსებული პრობლემები მალე გადაწყდება და დოკუმენტს ხელი მოეწერება. ესკალაციის რისკი არსებობს და იმედი გვაქვს, რომ შეთანხმება ამ რისკს მინიმუმამდე დაიყვანს, ჩვენ კი სტაბილურობის მოწმენი გავხდებით, რაც საერთო ინტერესებიდან გამომდინარეობს“.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს