ალბათ, „ტოპ ტვინები“ გადაიწვა, სხვა შემთხვევაში უფრო მალე იქნებოდა გეგმა გაჟღერებული საზოგადოებისთვის, რომელზეც უკვე თვეების განმავლობაში საუბრობენ „ნაცაგენტურის“ წარმომადგენლები, - ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ ჟურნალისტებთან განაცხადა.

მისივე თქმით, მიიღებს თუ არა ოპოზიცია თვითმმართველობის არჩევნებში მონაწილეობას, დამოკიდებული იქნება იმაზე, თუ რა დავალებას მიიღებენ „თავიანთი პატრონებისგან“.

„მოლოდინი გვაქვს ერთი, რომელშიც აბსოლუტურად დარწმუნებულები ვართ, რომ „ნაცკლასტერში“ შემავალი აგენტურის წარმომადგენლები შეასრულებენ თავიანთი პატრონების დავალებას, ყოველ შემთხვევაში შეეცდებიან მაინც, როგორც ამას აკეთებდნენ წარსულში და ახლაც იმავეს აკეთებენ. ჯერჯერობით არ აქვთ განსაზღვრული მესიჯი, დავალება, თუ რა უნდა ქნან თვითმმართველობის არჩევნებში, მიიღონ თუ არა მონაწილეობა და სწორედ ამიტომაც არის, რომ ორივე მესიჯს აჟღერებენ. ნაწილი ამბობს, არ უნდა მივიღოთო, ნაწილი ამბობს, რომ აუცილებელია მონაწილეობის მიღება. საბოლოო ჯამში, როგორიც იქნება დავალება, ისე მოიმოქმედებენ. ეს არის ზუსტად აგენტის ბედი, როდესაც საკუთარ თავს არ ეკუთვნის და მისი ნათქვამი ან ქმედება დამოკიდებულია მხოლოდ და მხოლოდ პატრონის დავალებაზე და როგორც მონას შეეფერება, მონურად უნდა აღასრულოს დავალება,“ - განაცხადა გორდულაძემ.

ავტორი: ექსპრესნიუსი,

სოციალური ქსელები

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს

გადაწყვეტილება მიღებული არაა, ვმსჯელობთ – სალია რუსთავის N6 ციხის უფროსის გათავისუფლებაზე