თუ „კოლექტიური ნაცმოძრაობა“ ჩამოსცილდება პოლიტიკას, არ მიიღებს მონაწილეობას არც არჩევნებში და არც პოლიტიკაში, ეს ძალიან კარგი იქნება, - ამის შესახებ „ხალხის ძალის“ დეპუტატმა, გურამ მაჭარაშვილმა ჟურნალისტებთან თვითმმართველობის არჩევნებზე საუბრისას განაცხადა.

მისი თქმით, ჯანსაღი პოლიტიკური ძალები თვითმმართველობის არჩევნებში მონაწილეობას აუცილებლად მიიღებენ.

„მინდა საზოგადოებას კიდევ ერთხელ შევახსენო, რომ პრინციპი „რაც ნაკლები - უკეთესი“ არ გამქრალა, არ გამქრალა ჩვენი წინასაარჩევნო დაპირება, რომ „კოლექტიური ნაცმოძრაობა“ უნდა დასრულდეს ქვეყანაში. „კოლექტიური ნაცმოძრაობა“ თუ არ დასრულდა, ოპოზიციური ველი ვერ გაიწმინდება და ჯანსაღი ძალები ქართულ პოლიტიკაში ვერ მოვლენ. ასე რომ, ამ სამივე დაპირებაში თუ შეგვიწყობს ხელს „კოლექტიური ნაცმოძრაობა“ და ჩამოსცილდება პოლიტიკას, არ მიიღებს მონაწილეობას არც არჩევნებში და არც პოლიტიკაში, ეს ძალიან კარგი იქნება.

ჯანსაღი პოლიტიკური ძალები თვითმმართველობის არჩევნებში მონაწილეობას აუცილებლად მიიღებენ“, - განაცხადა მაჭარაშვილმა.

მაჭარაშვილის განმარტებით, „ხალხის ძალა“ თვითმმართველობის არჩევნებში მონაწილეობას მიიღებს, თუმცა რა კონფიგურაციით და როგორ, ამას საზოგადოება რამდენიმე თვეში გაიგებს.

„რა თქმა უნდა, ჩვენ მივიღებთ [თვითმმართველობის არჩევნებში] მონაწილეობას - რა კონფიგურაციით და როგორ, ამას რამდენიმე თვეში გაიგებს საზოგადოება. არამარტო ჩვენ, არამედ, გარწმუნებთ, რომ ძალიან ბევრი პარტიას ექნება ჯანსაღ პროცესში მონაწილეობის მიღების სურვილი“, - განაცხადა მაჭარაშვილმა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო