,,სააკაშვილის და წინა ხელისუფლების დეჰუმანიზაცია, ადამიანური სახის წართმევა რუსების ამოცანა იყო'' - ასე გამოეხმაურა ,,ერთიანობა - ნაციონალური მოძრაობის" ერთ-ერთი ლიდერი, ხატია დეკანოიძე საბიუჯეტო თანხების გაფლანგვის საქმეზე მიხეილ სააკაშვილისთვის 9-წლიანი პატიმრობის შეფარდებას.

მისივე თქმით, ივანიშვილმა მხოლოდ მისი ოფშორებით 400 მილიონი მოპარა საქართველოს.

,,პოლიტიკური პასუხისმგებლობის გააზრებით ვწერ და ასე შევხედით ამ საკითხს. მე ვიცი ჩვენი შეცდომები, მაგრამ უნდა გავიხსენოთ, რომ სააკაშვილის და წინა ხელისუფლების დეჰუმანიზაცია, ადამიანური სახის წართმევა რუსების ამოცანა იყო. ქოცებმა იმდენი საზიზღრობა წერეს, მოიგონეს, რომ პროპაგანდის ნიაღვარმა წალეკა ფაქტები და შეფასების რაციონალურობა დაგვიკარგა. 

2012 წლიდან ნაციონალური მოძრაობის 14 ათასი წევრი დაიკითხა პროკურატურაში. უმაღლესმა პირებმა  9, 7, წლიანი სასჯელები მოიხადეს. სხვა ყველაფერი რომ დავაპაუზოთ, მხოლოდ ერთი მარტივი შედარება: ივანიშვილმა მხოლოდ მისი ოფშორებით 400 მილიონი მოპარა საქართველოს. 

ამის საპირისპიროდ, ყოფილ პრეზიდენტს 9 წელი მიუსაჯეს, რომელიც ისედაც ციხეშია. რაც არ უნდა იყოს, მეც ამაყავი ვარ, რომ ჩემი საჯარო სამსახურში მუშაობის დროს, ბევრ ადამიანთან ერთად, რუსებისთვის მართლა არ ჩაგვიბარებია ეს ქვეყანა და სანამ სული მიდგას, რუსების წინააღმდეგ ბრძოლას ვაგრძელებ'' - წერს დეკანოიძე სოციალურ ქსელში.

ცნობისთვის, თბილისის საქალაქო სასამართლომ დიდი ოდენობით საბიუჯეტო თანხების გაფლანგვის საქმეზე მესამე პრეზიდენტს, მიხეილ სააკაშვილს 9 წლით თავისუფლების აღკვეთა მიუსაჯა, სდსს-ს ყოფილ უფროსს, თეიმურაზ ჯანაშიას კი, 300 ათას ლარიანი ჯარიმა დააკისრა.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს