დიდი ოდენობით საბიუჯეტო თანხების ჯგუფურად გაფლანგვაში ბრალდებულების, ყოფილი პრეზიდენტის, მიხეილ სააკაშვილისა და სახელმწიფო დაცვის სპეციალური სამსახურის ყოფილი უფროსის, თეიმურაზ ჯანაშიას ბრალდების სისხლის სამართლის საქმეზე მოსამართლე განაჩენის გამოსატანად სათათბიროდ გავიდა.

დღევანდელ სასამართლო სხდომაზე კი ბრალდებულებმა დასკვნითი სიტყვით ისარგებლეს.

როგორც მაშინდელმა სდსს-ის უფროსმა, თემურ ჯანაშიამ დასკვნითი სიტყვის დროს განაცხადა, მის წინააღმდეგ 11 წლის განმავლობაში, პოლიტიკურად მოტივირებული გამოძიება მიმდინარეობდა. მისი თქმით, ფინანსები, რომელსაც ბრალდების მხარე საბიუჯეტო სახსრებით ფლანგვად აფასებს, კონკრეტული მიზნობრიობით დაიხარჯა.

ასევე, მან საქმეში კიდევ ერთ დეტალზე გაამახვილა ყურადღება. მისი თქმით, მას თანამდებობაზე ყოფნის დროს ჯანმრთელობის პრობლემა შეექმნა, რის შესახებაც მაშინდელ პრეზიდენტს, მიხეილ სააკაშვილს აცნობა და ის დაეხმარა, ფინანსური სახსრების მოძიებაში. მისივე თქმით, ამ კონკრეტულ მონაკვეთთან დაკავშირებით ყველანაირი დამამტკიცებელი საბუთი აქვს და მიიჩნევს, რომ მოსამართლე ბადრი კოჭლამაზაშვილს გამამტყუნებელი განაჩენის გამოტანისთვის არანაირი საბაბი არ აქვს.

ცნობისთვის, აღნიშნულ საქმეს, რომელსაც საზოგადოება ე.წ. პიჯაკების საქმედ იცნობს, მიხეილ სააკაშვილთან ერთად ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც. პროკურატურა ბრალდებულებს საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times