2025-03-09 08:44:23, 1026 ნახვა
ომი უკრაინაში
დობროპილიეზე მიტანილი იერიშის შედეგად დაღუპულთა და დაშავებულთა რიცხვი გაიზარდა
უკრაინის ქალაქ დობროპილიეზე რუსეთის მიერ მიტანილი იერიშის შედეგად დაღუპულთა და დაშავებულთა რიცხვი გაიზარდა.
დონეცკის საოლქო ადმინისტრაციაში აცხადებენ, რომ დაღუპულთა რიცხვი 14-მდე გაიზარდა, დაშავებულია 47 მოქალაქე. დაშავებულთა შორის ხუთი ბავშვია.
რუსეთის ჯარებმა დობროპილიეზე იერიში ბალისტიკური რაკეტებით მიიტანეს.
შეგახსენებთ, რომ თავდასხმას პოლონეთის პრემიერ-მინისტრი დონალდ ტუსკი სოციალურ ქსელში გამოეხმაურა. მისი თქმით, როცა „ბარბაროსებთან დათმობაზე მიდიხარ, მსგავსი რამ ხდება, უფრო მეტი ბომბი, მეტი აგრესია, მეტი დაღუპული“.
ავტორი: ექსპრესნიუსი,
epn.ge (@expressnews.ge)
