პოლიტიკური მოძრაობა „თავისუფლების მოედანი“ პარტიად ჩამოყალიბდა. როგორც პარტიის ლიდერმა ლევან ცუცქირიძემ ჟურნალისტებს განუცხადა, თავისუფლების მოედნის მიერ შექმნილი პოლიტიკური გაერთიანება იქნება „ჭეშმარიტად თანამედროვე, დემოკრატიული პოლიტიკური პარტია, რომლის მიზანია სახელმწიფოს აღდგენა“.

„ჩვენი მიზანია შევქმნათ წამყვანი პოლიტიკური ძალა საქართველოში. ამის შემდეგ ჩვენი ამოცანა იქნება სახელმწიფოს დაბრუნება. ჩვენ უნდა დავიბრუნოთ სახელმწიფო, რომელსაც „ქართული ოცნება“ გვართმევს და ეს ყველაფერი ერთად უნდა გავაკეთოთ.

თავისუფლების მოედანიც ამ ბრძოლაში ერთ-ერთი წამყვანი პოლიტიკური პარტია გახდება. მაშინ სახელმწიფო უნდა გავხადოთ დემოკრატიული. ჩვენ უნდა შევქმნათ რეალური მრავალპარტიული დემოკრატია. სამწუხაროდ, ჩვენ ეს არასდროს გაგვიკეთებია. მაშინ მრავალპარტიული დემოკრატიული საქართველო უნდა გახდეს ევროკავშირის წევრი.

ასე დამყარდება კანონის უზენაესობა, მშვიდობა, უსაფრთხოება და კეთილდღეობა ამ ქვეყანაში. „ყველა ამ საკითხში წამყვანი პოლიტიკური ძალა იქნება თავისუფლების მოედანი“, - ციტირებს SOVA ლევან ცუცქირიძის სიტყვებს.

შეგახსენებთ, რომ თავისუფლების მოედანი, როგორც მოძრაობა კოალიცია „ძლიერი საქართველოს“ ნაწილი იყო.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს