„ნაციონალური მოძრაობის“ თავმჯდომარე, თინა ბოკუჩავა „ქართული ოცნების“ მმართველობის პირობებში, თვითმმართველობის არჩევნებში მონაწილეობის აზრს ვერ ხედავს.

როგორც ბოკუჩავამ ჟურნალისტებს განუცხადა, 26 ოქტომბრის არჩევნებში მოქალაქეთა უმრავლესობამ დემოკრატიულ, პროევროპულ ძალებს გამოუცხადა ნდობა, მაგრამ ბიძინა ივანიშვილმა საარჩევნო შედეგი მიიტაცა.

„თვითმმართველობის არჩევნებთან დაკავშირებით არის კითხვები. ამის თაობაზე მე უკვე არაერთხელ ვისაუბრე „ნაციონალური მოძრაობის“ სახელით. შემიძლია გითხრათ, რომ არავითარ არჩევნებში მონაწილეობას არ აქვს აზრი, თუ ყოველთვის იმარჯვებს ის, ვინც თვლის, რომ ასეა მოწყობილი. ეს გვაჩვენა, მათ შორის 26 ოქტომბრის არჩევნებმა, სადაც მოქალაქეთა უმრავლესობამ დემოკრატიულ, პროევროპულ ძალებს გამოუცხადა ნდობა, მაგრამ ივანიშვილმა მაინც სხვა ციფრები დაწერა და საარჩევნო შედეგი მიიტაცა. ამიტომ, აუცილებელია ახალი, სამართლიანი თამაშის წესები იმისთვის, რომ ჩატარდეს თავისუფალი არჩევნები, სადაც ქართველი ხალხის თავისუფალი ნება აისახება“, - განაცხადა ბოკუჩავამ.

ამასთან, მან „ლელოს“ ლიდერის ხაზარაძის განცხადება შეაფასა, რომლის თქმით, ოთხმა ბარიერგადალახულმა კოალიციამ ალტერნატიული პოლიტიკური ცენტრი უნდა ჩამოაყალიბოს.

თინა ბოკუჩავას განმარტებით, ისინი ასეთი ცენტრის შექმნას მიესალმებიან.

„როდესაც გვებრძვის რუსეთი და რუსეთის გავლენის აგენტიო, აშშ-ის მხრიდან სანქცირებული ივანიშვილი, ძალიან მნიშვნელოვანია ერთიანი, დემოკრატიული, პროდასავლური ფრონტის შექმნა. ამიტომ, ვფიქრობ, ჩვენი მხრიდან ნამდვილად არ იქნება მოულოდნელობა იმაზე ხაზგასმა, რომ არჩევნებამდეც, ახლაც და მომავალშიც, ყოველთვის მხარს დავუჭერთ ნებისმიერ ძალისხმევას, რომელიც ძალების გაერთიანებისკენ არის მიმართული. სამწუხაროდ, ეს ამ ეტაპზე მხოლოდ საგარეო ფრონტზე ხერხდება, ესეც ძალიან კარგია. ჩვენ ამას ყოველთვის მხარს ვუჭერთ და ხელს ვუწყობთ. დასავლეთში, საქართველოს მეგობრებთან მნიშვნელოვანია ქართველი ხალხის პროდასავლურ გამოძახილის ერთიანი ხმა და ერთიანი პოზიცია დასავლელ მეგობრებთან ურთიერთობაში“, - განაცხადა ბოკუჩავამ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო