დონალდ ტრამპის ადმინისტრაცია ომს გამოქცეული 240 ათასამდე უკრაინელისთვის დროებითი სამართლებრივი სტატუსის ჩამორთმევას გეგმავს, რამაც შესაძლოა, მათი დაჩქარებული დეპორტაცია გამოიწვიოს.

ამის შესახებ ინფორმაციას სააგენტო „როიტერი“ თავის წყაროებზე დაყრდნობით ავრცელებს.

როგორც მედიასაშუალებისთვის გახდა ცნობილი, აღნიშნული ნაბიჯი აპრილშია მოსალოდნელი.

როგორც „როიტერი“ აღნიშნავს, უკრაინელი ლტოლვილების სამართლებრივი დაცვის გაუქმებას დონალდ ტრამპის ადმინისტრაცია ჯერ კიდევ მანამდე გეგმავდა, ვიდრე თეთრ სახლში აშშ-ისა და უკრაინის პრეზიდენტების საჯარო სიტყვიერი დაპირისპირება მოხდებოდა.

უკრაინელების სამართლებრივი დაცვის გაუქმების ზომა იქნება იმ 1,8 მილიონი მიგრანტისთვის სამართლებრივი სტატუსის ჩამორთმევის გეგმის ნაწილი, რომლებსაც აშშ-ში შესვლის საშუალება ჯო ბაიდენის ადმინისტრაციის დროს პირობითი გათავისუფლების ჰუმანიტარული პროგრამების ფარგლებში მისცეს.

20 იანვარს დონალდ ტრამპმა აღმასრულებელი განკარგულებით საშინაო უსაფრთხოების დეპარტამენტს პირობითი ვადამდელი გათავისუფლების ყველა პროგრამის შეწყვეტა დაავალა.

„როიტერის“ წყაროების ცნობით, ეს განკარგულება უკვე მიმდინარე თვეში 530 ათას კუბელს, ჰაიტელს, ნიკარაგუელსა და ვენესუელელს შეეხება.

უკრაინელებთან ერთად, აღნიშნული პროგრამები ასევე ეხება 70 ათასზე მეტ ავღანელს, რომლებმაც ქვეყანა ხელისუფლებაში „თალიბების“ მოსვლის გამო დატოვეს.

მედიასაშუალების ცნობით, იმ მიგრანტებს, რომლებსაც ვადამდელი გათავისუფლების სტატუსი შეუწყდებათ, შესაძლოა, დაჩქარებული დეპორტაცია დაემუქროთ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს