"იმ საფრთხეებისა და უსაფრთხოების გამოწვევების საპასუხოდ, რომელთა წინაშეც ევროპა დგას, ევროკავშირი და მისი წევრი სახელმწიფოები მზად არიან, თავდაცვაზე უფრო მეტი დახარჯონ", - ამის შესახებ ევროკავშირის საბჭოს ახალ პუბლიკაციაშია საუბარი.

საბჭოს ინფორმაციით, 2021-დან 2024 წლამდე თავდაცვაზე ევროკავშირის წევრი ქვეყნების დანახარჯები 30%-ით გაიზარდა და 2024 წელს €326 მილიარდს მიაღწია - რაც ევროკავშირის მშპ-ს 1.9%-ია.

მოსალოდნელია, რომ დანახარჯები 2027 წლამდე დამატებით €100 მილიარდით გაიზრდება.

"თუ გავითვალისწინებთ, რომ ევროკავშირის წევრი სახელმწიფოებიდან მხოლოდ 23-ია NATO-ს წევრიც, თავდაცვაზე მათი დანახარჯები 2024 წელს საერთო მშპ-ის 1.99%-ი იყო, 2025 წელს კი 2.04%-მდე ზრდაა მოსალოდნელი", - ნათქვამია ევროპის საბჭოს პუბლიკაციაში.

რაც შეეხება ინვესტიციებს, თავდაცვის სფეროსთვის რეკორდული 2023 წელი აღმოჩნდა, როდესაც ინვესტიცია წლიურად 17%-ით გაიზარდა და €72 მილიარდს მიაღწია. 2024 წელს კი თავდაცვის ინვესტიციამ €102 მილიარდი შეადგინა და საერთო დანახარჯების 30% შეადგინა.

გასულ წელს თავდაცვის ინვესტიციების 88.2%, €90 მილიარდზე მეტი, ახალი ხელსაწყოებისა და აღჭურვილობის დამზადებას მოხმარდა.

საბჭოს ინფორმაციით, €13 მილიარდი დაიხარჯა თავდაცვის სექტორში კვლევებისა და დაველოპმენტისთვის.

ევროკავშირს მიაჩნია, რომ თავდაცვის სფეროში გაძლიერებული თანამშრომლობა კრიტიკულად მნიშვნელოვანია, რადგან კოოპერაცია ხარჯების დაზოგვისა და ფინანსების ეფექტურად განაწილების საშუალებას იძლევა.

ევროკავშირმა "მრავალწლიანი ფინანსური ჩარჩოს" ფარგლებში €16.4 მილიარდი გამოყო, რაც კვლევების ხელშეწყობას, სამხედრო მობილობის გაზრდას, ინდუსტრიული წარმოების განვითარებასა და ერთობლივი პროექტების შესრულებას უნდა მოხმარდეს.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს