პატიმარმა რეზო კიკნაძემ სასამართლო სხდომაზე ინგმარ ბერგმანის "მეშვიდე ბეჭედი" გაიხსენა და მოსამართლესა და სასამართლო დარბაზში მყოფ სხვა ადამიანებს შემდეგი სიტყვებით მიმართა:

„ბერგმანს აქვს ერთი ასეთი ფილმი, მეშვიდე ბეჭედი ჰქვია, თვითონ ფილმის სიუჟეტი, შეიძლება, მოსაწყენია, მაგრამ იქ არის ერთი ასეთი კითხვა, რომელიც ლაიტმოტივად გასდევს მთელს ფილმს. ფილმი არის კაცზე, რომელიც მთელი ცხოვრება ფულის გამო იბრძვის, ერთხელაც მასთან ეშმაკი მივა და შესთავაზებს ჭადრაკი ვითამაშოთო, თუ მომიგებ 5 წლის მერე მოგაკითხავ, თუ მე მოგიგებ, ახლა წაგიყვან..

5 წლის შემდეგ დაბრუნდება ეშმაკი და ეკითხება, გადავადებამ რამე მოგცაო? დაფიქრდება ეს მამაკაცი და მიხვდება, რომ მართლა არაფერი მიუცია, არაფერი მომხდარა ამ 5 წელში ისეთი, რისთვისაც ღირდა ცხოვრება, რაზეც იტყოდა, რომ მადლობა ეს 5 წელი მომეციო, რის გამოც მას გაიხსენებდნენ სხვები. მეც გარეთ ყოფნის დროს ხშირად მიფიქრია ამაზე, შარშან ვიქნებოდი, იმის წინ, თუ ახლა, აზრი ჰქონდა რაიმეს? და უარყოფითი იყო პასუხი 6 დეკემბრამდე.

6 დეკემბრამდე ანუ ჩემი დაჭერის დღემდე. მას შემდეგ, რაც დამიჭირეს, კითხვას, გადავადებამ რამე მოგცაო, კის ვუპასუხებდი…"

შეგახსენებთ, რომ 2024 წლის დეკემბერში პროევროპული აქციების დროს დაკავებული რეზო კიკნაძე, საქართველოს სისხლის სამართლის კოდექსის 225-ე მუხლის მეორე ნაწილით არის ბრალდებული. აღნიშნული მუხლი ჯგუფურ ძალადობაში მონაწილეობას გულისხმობს და 4-დან 6 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times