ოპოზიციის ლიდერები ელენე ხოშტარია და გიორგი ვაშაძე, ლონდონში,  ლორდთა პალატის წევრ ბარონესა სალ ბრიტონს შეხვდნენ. 

მათივე ინფორმაციით, განიხილეს კონკრეტული პრაქტიკული გადაწყვეტილებები, თუ როგორ შეიძლება დასავლელმა პარტნიორებმა მხარი დაუჭირონ საქართველოს ლეგიტიმურ პრეზიდენტს, სალომე ზურაბიშვილს, პროდასავლურ ოპოზიციასა და კრიტიკულ მედიასაშუალებებს.

"პროდასავლური ოპოზიციის ლიდერები ელენე ხოშტარია და გიორგი ვაშაძე, დღეს 5 მარტს, ლონდონში შეხვდნენ ბარონესა სალ ბრიტონს, რომელიც ლორდთა პალატის წევრია, ALDE-ს ვიცე-პრეზიდენტი და დიდი ხნის მანძილზე მუშაობდა PACE-ში.

ბარონესა სალ ბრიტონი საქართველოს დიდი მხარდამჭერია და ზედმიწევნით დეტალურად იცნობს ქვეყანაში არსებულ ვითარებას. გარდა PACE-სა და მრავალი საერთაშორისო ფორუმისა, იგი ლობირებს საქართველოს ინტერესებს ბრიტანეთში.

ელენე ხოშტარია: "გამომდინარე იქიდან, რომ იგი ადამიანის უფლებებზე წლებია მუშაობს, გადავეცით ყველა საჭირო და დეტალური ინფორმაცია პოლიტიკური პატიმრების შესახებ. რაც ყველაზე მნიშვნელოვანია, ჩვენ შორის საუბარი შეეხო იმ კონკრეტულ და პრაქტიკულ საერთაშორისო მექანიზმებს, რომლებიც ზეწოლას გაზრდიან ხელისუფლებაზე."

ელენე ხოშტარიამ და გიორგი ვაშაძემ ლორდთა პალატის წევრს გადასცეს დამუშავებული ინფორმაცია კონკრეტული პირების დანაშაულებისა და რუსეთთან კავშირების შესახებ, რათა მოხდეს მათ დასანქცირება.

შეხვედრისას საუბარი შეეხო, კონკრეტულ პრაქტიკულ გადაწყვეტილებებს, როგორ შეიძლება დასავლელმა პარტნიორებმა მხარი დაუჭირონ საქართველოს ლეგიტიმურ პრეზიდენტს, სალომე ზურაბიშვილს, პროდასავლურ ოპოზიციასა და კრიტიკულ მედიასაშუალებებს.

ბარონესა სალ ბრიტონის თქმით, იგი მხარს უჭერს ქართველი ხალხის მოთხოვნას სამართლიან პირობებში ხელახალი არჩევნების დანიშვნის შესახებ.

პროდასავლური ოპოზიციის ლიდერები ლონდონში დღეს და ხვალ აგრძელებენ შეხვედრებს ყველა პარტიის წარმომადგენელთან – ლეიბორისტებთან, კონსერვატორებთან და ლიბერალ-დემოკრატებთან.

შეხვედრები გაიმართება როგორც ლორდთა, ასევე თემთა პალატაში," - წერია განცხადებაში. 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო