ირაკლი კობახიძის გადაწყვეტილებით, დიდთოვლობით მიყენებულ ზარალს კომისია შეისწავლის
ტექსტს კითხულობს AI ასისტენტი
დიდთოვლობის შედეგად მოსახლეობისთვის მიყენებული ზარალის შესწავლაზე სპეციალური კომისია იმუშავებს - შესაბამისი გადაწყვეტილება ,,ქართული ოცნების" პრემიერ-მინისტრმა ირაკლი კობახიძემ მიიღო.
კომისია დეტალურად შეისწავლის დიდთოვლობით გამოწვეულ ზარალს, რის შემდეგაც შესაბამისი გადაწყვეტილებები იქნება მიღებული. დიდთოვლობის შედეგად დაზიანებულ სახლებს სახელმწიფო აღადგენს, ხოლო მოქალაქეებს, რომელთა სახლებიც შეკეთებას არ ექვემდებარება - ალტერნატიული საცხოვრებლით უზრუნველყოფს.
დაზიანებული სახურავების შეკეთება და მცირე ინფრასტრუქტურული სამუშაოები დაუყოვნებლივ დაიწყება და მოკლე ვადებში განხორციელდება.
ავტორი: ექსპრესნიუსი, 
epn.ge (@expressnews.ge)
