განსაკუთრებული სოლიდარობა და ემოცია მაქვს მათე დევიძის მიმართ, ვინაიდან ის იმ ეპიზოდის გამო დააკავეს, სადაც ფიზიკურად ერთად აღმოვჩნდით,- ამის შესახებ „კოალიცია ცვლილებისთვის“ ერთ-ერთმა ლიდერმა ნიკა მელიამ განაცხადა.

ის თბილისის საქალაქო სასამართლოში პოლიციელზე თავდასხმის ბრალდებით დაკავებულ 21 წლის მათე დევიძის სასამართლო პროცესს ესწრება.

როგორც მელია განმარტავს, პოლიტპატიმრებს ციხეში გამოკეტვა დიდი ხნით არ მოუწევთ.

„ტრაგედიაა, როცა ასეთ ნიჭიერ, პერსპექტიულ, ენერგიით სავსე თვითმყოფადი ახალგაზრდები უკვე თვეების განმავლობაში არაფრის გამო არიან გამოკეტილი იქ, სადაც არ უნდა იყვნენ, მაშინ, როცა რეალური დამნაშავეები ამ ქვეყანას მართავენ, მაგრამ ეს დროებითი მოცემულობაა. ყველა პოლიტიკური პატიმრის მიმართ ვართ სოლიდარულები, მათ შორის, განსაკუთრებული სოლიდარობა და ემოცია მაქვს მათე დევიძის მიმართ, ვინაიდან ის იმ ეპიზოდის გამო დააკავეს, სადაც მიუხედავად იმისა, რომ ერთმანეთს არ ვიცნობთ, ფიზიკურად ერთად აღმოვჩნდით. ადამიანი უბრალოდ საკუთარ თავს, ღირსებას, ამ ქვეყნის ინტერესს იცავდა. მჯერა, რომ მომავლის გადმოსახედიდან, მიუხედავად ამ უსამართლობისა, ის და მისი ოჯახი იამაყებს. მჯერა, რომ პოლიტპატიმრებს დიდი ხანი არ მოუწევთ ციხეში ტყვეებად ყოფნა",- განაცხადა მელიამ.

ავტორი: ექსპრესნიუსი,

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად