“არ გამოვრიცხავთ, რომ მიმდინარე წელს შეიძლება სავიზო რეჟიმი მოიხსნას რუსეთთან”, - ამის შესახებ რუსეთთან ურთიერთობის საკითხებში პრემიერის სპეციალურმა წარმომადგენელმა ზურაბ აბაშიძემ მთავრობის სხდომის დაწყებამდე ჟურნალისტებს განუცხადა.

 მისივე თქმით, 16 მარტს რუსეთის საგარეო საქმეთა მინისტრის მოადგილე რიგორი კარასინს შეხვდება, სადაც სხვა საკითხებთან ერთად განიხილება, თუ როგორ მუშაობს გამარტივებული სავიზო რეჟიმი.

“ რუსეთ-საქართველოს პირველი პირების შეხვედრასთან დაკავშირებით რაიმე სიხალე არ არის. კარასინთან გვექნება საუბარი ვიზების გამარტივებასთან დაკავშირებით, გავივლით, ვნახავთ როგორ მუშაობს ეს სავიზო რეჟიმი, არის თუ არა რაიმე პრობლემები და თუ ჩვენი მხრიდან რაიმე არის გასაკეთებელი ამ თვალსაზრისით, შევეცდებით, რომ მოვაგვაროთ. ჩვენ გვაქვს ჩვენი დრის წესრიგი, იქ ვსაუბრობთ ჩვენს სავაჭრო-ეკონომიკურ ურთიერთობებზე, სატრანსპორტო საკითხებზე, ჰუმანიტარულ გარკვეულ პრობლემებს ვაგვარებთ, ამ თვალსაზრისითაც, იმედი მაქვს, რომ ჩვენ რაღაც შედეგით ჩამოვალთ”, - განაცხადა აბაშიძემ.

კითხვაზე, ხო მარ ელოდება ქართული მხარე რუსეთისგან გარკვეულ ახალ წინადადებებს სავიზო რეჟიმის გაუქმებასთან დაკავშირებით, აბაშიძემ განაცხადა, რომ არა.

აბაშიძე არ გამორიცხავს,  მიმდინარე წელს რუსეთთან  სავიზო რეჟიმი მოიხსნას.

“სავიზო რეჟიმი მართლაც მნიშვნელოვნად გამარტივდა. ბოლო ორი თვეა მოქმედებს საკმაოდ გამარტივებული სავიზო რეჟიმი და ჩვენ არ გამოვრიცხავთ, რომ წელს შეიძლება საერთოდ მოიხსნას ეს სავიზო რეჟიმი, ვინაიდან ამის შესახებ თქვა რუსეთის პრეზიდენტმა, საგარეო უწყებამაც გააკეთა შესაბამისი კომენტარი. ვნახოთ, შევხედოთ როგორ მუშაობას ეს სავიზო რეჟიმი, რამდენად მოუხსნა ჩვენს მოქალაქეებს პრობლემები და ა.შ.”, - განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის