ევროკომისარმა მიგრაციის, შიდა საქმეებისა და მოქალაქეობის საკითხებში, დიმიტრის ავრამპოლუსმა ევროკავშირის საბჭოსა და ევროპარლამენტს საქართველოსთან ვიზალიბერალიზაციის დაწესების საკითხზე მიმართა.

ამის შესახებ ავრამოპულოსმა ბრიუსელში გამართულ პრესკონფერენციაზე განაცხადა.

მისი თქმით, ამბავი პოზიტიურია, თუმცა მოულოდნელი არ უნდა ყოფილიყო, რადგან ევროკომისიამ ვიზალიბერალიზაციის საკითხზე დეკემბერში დადებითი რეკომენდაციები გამოაქვეყნა.

„კომისიამ დღეს წარმოადგინა წინადადება, რომ საქართველოს მოქალაქეებისათვის ვიზის გაუქმება განხორციელდეს. შესაბამისად, საქართველო შევა იმ ქვეყანათა რიცხვში, რომელთა მოქალაქეებსაც ეძლევათ შესაძლებლობა შენგენის ქვეყნებში ვიზის გარეშე შევიდნენ. ეს რა თქმა უნდა არ არის გასაკვირი და სიურპრიზი, ვინაიდან გასული წლის დეკემბერში დადებითი შეფასება მოჰყვა საქართველოს მიერ წარმართულ საქმიანობას. საქართველომ ვიზალიბერალიზაციის სამოქმედო გეგმისა ყველა კრიტერიუმი შეასრულა და შესაბამისად, გაწეული საქმიანობის შედეგად, შესაძლებელი გახდა ამ შედეგის მიღწევა. ახლა ეს წინადადება გადაეცემა ევროპის საბჭოს და ევროპარლამენტს, რომლებიც ვიმედოვნებ, მალე დაამტკიცებენ და მიიღებენ ამ წინადადებას“, - განაცხადა ავრამოპულოსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის