სასჯელაღსრულებისა და პრობაციის სამინისტრო  ევროპის საბჭოს მიერ გამოქვეყნებულ ანგარიშსს  ეხმაურება. 

უწყებაში განმარტავენ, რომ სამინისტროს ფუნქციას წარმოადგენს სასამართლოს მიერ დანიშნული საპატიმრო სასჯელისა და აღკვეთის ღონისძიების სახით პატიმრობის აღსრულება და ბრალდებულთა/მსჯავრდებულთა  რაოდენობის ზრდა, ან შემცირება სამინისტროზე არ არის დამოკიდებული.
 
რაც შეეხება ევროსაბჭოს ანგარიშს პატიმრების რაოდენობის ზრდასთან დაკავშირებით, სამინისტრო აცხადებს, რომ 2012 წლის შემდეგ საქართველოში პენიტენციურ დაწესებულებებში ბრალდებულთა/მსჯავრდებულთა რაოდენობა მკვეთრად შემცირდა.

"კერძოდ: 2011 წლის 31 დეკემბრის მონაცემებით, პატიმართა რაოდენობა 24 114 იყო, 2012 წლის 31 დეკემბრის მდგომარეობით - 19 349, 2013 წლის 31 დეკემბრის მდგომარეობით - 9 093, 2014 წლის 31 დეკემბრის მდგომარეობით - 10 372, ხოლო 2015 წლის 31 დეკემბრის მდგომარეობით კი - 9 716 მსჯავრდებული/ბრალდებული.  აღნიშნული მონაცემი ყოველდღიურად ცვალებადია და სამინისტრო ყოველდღიურ სტატისტიკას აწარმოებს.
 
საქართველოს მთავრობა საპარლამენტო უმრავლესობის წარმომადგენლების მხარდაჭერით მუდმივად ზრუნავს შესაბამისი საკანონმდებლო ცვლილებების განხორციელებაზე, რათა შემცირდეს პატიმართა რაოდენობა და დაინერგოს ზედამხედველობისა და კონტროლის თანამედროვე მექანიზმები (შინაპატიმრობა).
 
გარდა ამისა, მსჯავრდებულთა ვადამდე სასჯელის მოხდისგან გათავისუფლებისა და სასჯელის შემსუბუქების მიზნით, სამინისტროს  5 ადგილობრივი საბჭო  ყოველთვიურად განიხილავს იმ პირთა საქმეებს, რომლებმაც უკვე მოიხადეს  სასჯელის  შესაბამისი ვადა.  მხოლოდ 2015 წლის განმავლობაში, ამ მექანიზმის მეშვეობით 1069 მსჯავრდებულმა დატოვა პენიტენციური დაწესებულება.
 
რაც შეეხება დაწესებულებებში სიმჭიდროვის საკითხს, ციხის გადატვირთულობის პრობლემა აღარ არსებობს. მსჯავრდებულთა საცხოვრებელი პირობები და ფართი დღეისთვის სრულად აკმაყოფილებს საერთაშორისო სტანდარტებს, რაც დასტურდება როგორც თავად ევროპის საბჭოს, ისე სხვა საერთაშორისო და ადგილობრივი ორგანიზაციების დასკვნებით. კერძოდ, ერთ მსჯავრდებულზე გათვალისწინებულია 4 კვ.მ ფართი",-ნათქვამია სასჯელაღსრულებისა და პრობაციის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ